Реттік санау бойынша 1-сыныпқа сабақ жоспары

Бекітілді:

Оқу ісінің орынбасары:Н.Рахманбергенов

Қысқа мерзімді жоспар

Пән: Математика

Ұзақ мерзімді жоспар бөлімі: Өзім туралы

Күні: 03.09.2019

Сынып: 1 «а»

Мектеп: Абай атындағы №90 орта мектебі

Мұғалімнің аты-жөні: Маханбетова Гулайша Данахметовна

Қатысқандар саны: 18

Қатыспағандар саны:

Сабақ тақырыбы

Реттік санау

Осы сабақта қол жеткізілетін оқу мақсаттары (оқу бағдарламасына сілтеме)

Натурал сандардың және нөл санының құрылуын түсіну; 10 көлеміндегі сандарды тура және кері санау; олардың натурал сандар қатарындағы орнын анықтау

1.5.1.2 сандарды салыстыру кезінде қолданылатын ұғымдарды пайдалану

Сабақ мақсаттары

Барлық оқушылар: Натурал сандардың және 0 санының құрылуын біледі.10 көлеміндегі сандарды тура және кері санай алады. Олардың натурал сандар қатарындағы орнын анықтай алады.

Көптеген оқушылар: Реттік санауды сандық санаудан ажырата алады.

Кейбір оқушылар: Заттарды реттік санау санақ басына байланысты болатынын түсініп қорытынды шығарады.

Бағалау критерийлері

1-ден 10-ға дейін реттік нөмірмен санайды.

10-нан 1-ге дейін реттік нөмірмен санайды.

Заттың реттік нөмірін атайды.

Тілдік мақсаттар

Оқушылар орындай алады: заттарды санаудың маңыздылығын түсіндіреді, 10 көлеміндегі сандарды тура және кері санайды, сандардың натурал сандар қатарындағы орнын анықтап дәлелдейді. Реттік санауды сандық санаудан ажырата алады.

Пәнге тән лексика мен терминология:

Реттік санау, нешінші?

Диалог пен жазу үшін пайдалы сөздер мен тіркестер:

-Кім бірінші тұр?

-Інжу санау бойынша нешінші болады?

Құндылықтарды дарыту

Шығармашылық және сын тұрғысынан ойлауын дамыту.

Пәнаралық байланыстар

Сауат ашу,жаратылыстану.

АКТ қолдану дағдылары

Слайд

Бастапқы білім

10 көлеміндегі сандар, тура және кері санау туралы түсінігі бар.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 мин

Ынтымақтастық атмосферасын құру

«Шаттық шеңбері» арқылы іске асырылады.

Санамақты саусақпен көрсетіп тұрып хормен айтқызу.

Бір дегенім-Білеу

Екі дегенім-Егеу

Үш дегенім-Үскі

Төрт дегенім-Төсек

Бес дегенім-Бесік

Алты дегенім-Асық

Жеті дегенім-Желке

Сегіз дегенім-Серке

Тоғыз дегенім-Торқа

Он дегенім-Оймақ

Жегеніміз Балқаймақ.

Топқа бөлу 1,2,3,4-ке санау арқылы жүреді.

1-топ – «Бірінші»

2-топ- «Екінші»

3-топ - «Үшінші»

4-топ – «Төртінші»

Сабақтың ортасы

10 мин

5 мин

2 мин

8 мин

(Д) 1- тапсырма «Санай білесің бе?» әдісі арқылы іске асады.

Тақтаға 10 оқушы шығыңдар. Оқушыларды кезекпен солдан оңға қарай сандық ретпен санаңдар. Сұрақтарға жауап беріңдер:

-Бірінші тұрған оқушы кім?

-Екінші тұрған оқушы кім?

-Үшінші тұрған оқушы кім?

-Төртінші тұрған оқушы кім?

-Бесінші тұрған оқушы кім?

-Алтыншы тұрған оқушы кім?

-Жетінші тұрған оқушы кім?

-Сегізінші тұрған оқушы кім?

-Тоғызыншы тұрған оқушы кім?

-Оныншы тұрған оқушы кім?

Оқушыларды ретімен санаңдар.

Дескриптор:

Сандық ретпен оқушыларды санайды, есімдерін атайды .

Реттік санаумен оқушыларды санайды.

Саралау тәсілі «Диалог және қолдау көрсету» арқылы іске асады.

Көмек қажет ететін оқушыларға жетелеуші сұрақтар қойылады.

-Тоғызыншы тұрған оқушыны ажырата алу үшін нешеге дейін санаймыз?

Кейбір оқушыға қосымша сұрақтар беріледі.

-5 санының алдында тұратын санды атай аласың ба?

-7 санының көршілерін ата.

ҚБ: « Бас бармақ» әдісі арқылы бірін-бірі бағалайды.

Жоғары - оқушыларды сандық ретпен, реттік санаумен санай алса.

Көлденең - оқушыларды сандық ретпен, реттік санаумен санауда көмек қажет етсе.

Төмен- оқушыларды сандық ретпен, реттік санаумен санауда қиналса.

(Ж) 2 –тапсырма «Көмектес» әдісі арқылы жүзеге асады.

Оқулықтағы суретке мұқият қара. Айжанға кітапханадан кітап алуға көмектес. Сұраққа жауап бер, жауабыңның дұрыстығын кітаптарды санап дәлелде.

-Айжан сөреден неше кітап алды?

-Айжан сөреден нешінші кітапты алды?

Дескриптор:

Кітаптарды сандық ретпен, реттік санаумен санайды.

Саралау тәсілі «Қарқын» арқылы іске асады.

Қарқыны жылдам кейбір оқушыға қосымша тапсырма:

Сөреде қалған кітаптарды сана.

Қарқыны төмен оқушыға қосымша уақыт беріледі.

ҚБ: «Жапырақ» әдісі арқылы жұбын бағалайды.

Қызыл: Сөреден алған кітаптарды сандық ретпен, реттік санаумен санай алса.

Жасыл: Сөреден алған кітаптарды сандық ретпен, реттік санаумен санауда шатасса.

Сары: Сөреден алған кітаптарды сандық ретпен, реттік санаумен санауда көмек қажет етсе.

Сергіту сәті: Бір, екі, үш –

Қарлығаш боп ұш.

Төрт, бес, алты –

Қарлығаш боп қалқы

Жеті, сегіз, тоғыз,он –

Қарлығаш боп орныңа қон.

(Т) 3 -тапсырма «Көңілді клоундар».

Иллюстрацияға қарап клоундардың аттарын атаңдар, сұрақтарға жауап беріңдер.

1.Клоундардың қайсысы оң жақтан үшінші тұр?

2. Балпақ сол жақтан нешінші тұр?

3. Оймақ оң жақтан нешінші тұр?

4.Сол жақтан жетінші тұрған кім?