Робототехника білім беру бағыты туралы танымдық мақала

«Робототехника – білім беру бағыты»

Бимагамбетова Мирамгуль Толепбергеновна

Талдысай жалпы орта білім беретін мектебі

Оқу ісінің орынбасары, информатика пәнінің мұғалімі

Ақтөбе облысы

Әйтеке би ауданы

Талдысай ауылы

Қазіргі заман талабына сай адам іс-әрекетінің барлық салаларында еркін қолданысқа енген ақпараттық технологиялар біздің күнделікті өміріміздің ажырамас бөлігі болып табылады. Ақпараттық технологияларды тиімді қолдану сандық үлгіде көрсетілген әртүрлі ақпараттың түрлерімен жұмыс істеу үдерісін тездетеді және жеңілдетеді.

Білім берудің басым бағыттарының бірі оқушылардың компьютерлік сауаттылығын қалыптастыру болып табылады. Компьютерлік сауаттылықты қалыптастыру ғылым, техника, медицина, білім беру және мәдениет саласынына негізгі әсерін тигізуі мүмкін.

Ғылым, математика, технологиялар және инженерия сияқты басты академиялық салаларда бір мезгілде даму керек, оларды STEM (science, technology, engineering and mathematics) деген бір сөзбен біріктіріп атауға болады.

STEM дегеніміз – оқытудың біріктірілген тәсілі. Яғни, бұл тәсіл аясында академиялық ғылыми-техникалық тұжырымдамалар шынайы өмір контексінде зерттеледі.Жалпы, STEM бағдарламасында жаратылыстану ғылымы, жаңа технологиялар, математика, инженерлік бағытқа басым назар аударылған.

Өз оқу ордама тоқтала кетсем. Талдысай ЖОББМ 2023-2024жылында жаңа кабинеттермен толықтырылды.Мектепте химия,биология , физика және де мултимедиялық ағылшын кабинеттері бар.Мектепте биология, химия және физика пән мұғалімдері STEM Smart Panel интерактивті жабдығын күнделікті оқытуда қолдану арқылы сабақ өткізіп жүр. Биылғы оқу жылында Елбасының «Цифрлы Қазақстан» бағдарламасы аясында STEM кабинеті ашылып өз жұмысын жүргізуде.

Зертханада бір мезетте 15-ке жуық бала,сүйікті ісімен айналыса алады. Кабинетте LEGO, RED-X, MAKEBLOCK,конструкторлық құрылғылары, тестілеу зонасы сынды роботтарды жасауға арналған орындар жеткілікті.Дәрістерде оқушылар нысандардың бөліктерін салыстыра отырып, жиналмалы модельдерді жинап түрлі роботтар құрастырып жүр.

Кез-келген мұғалім кез-келген технологияны ,әдіс-тәсілдерді пайдаланған уақытта бала үшін тиімдісін іздейді.Оқушы сабақтардан білім жетілдіру үшін теорияны оқып,түсінеді..Біреу жақсы түсінсе,біреу өз шамасына қарай түсінеді.Алайда,қазіргі таңда балалардың ойлау қабілеті ерекше дамыған,ерекше түрде түсіндіруді талап етеді.М.Жұмабаев атамыз «Мен жастарға сенемін.» дегендей,балалар біздің болашағымыз.Сондықтан, 21 ғасыр технология заманында оқушылардың зияткерлік машығын дамыту біздің міндеттіміз.