Рухани адамгершілік тәрбие туралы мақала

Рухани-адамгершілік білім

«Білім беру ісінің басты мақсаты-мейірімді, ақылды,

дамыған адамгершілікті, дені сау, өзінің ойына, сөзіне,

ісіне жауапкершілікті, тәрбиелі, бейімді, шығармашылық

мүмкіндіктері мен қалыпты өмірін іске асыра алатын

білімдер жүйесін иеленген адамды дамыту болуы тиіс деп

есептеймін».

(Сара Алпысқызы, «Өзін-өзі тану»

рухани-адамгершілік білім беру

бағдарламасының авторы)

Қазіргі таңда білім беру жүйесін дамытудағы басты бағыт адамның ішкі әлеуетін барынша ашуға бағдарланған рухани-адамгершілік білім беру болып табылады. Рухани-адамгершілік білім беру-жас ұрпақтың бойына өмірдің мәні, сүйіспеншілік, бақыт, сыйластық, татулық, бірлік, төзімділік сынды құндылықтарды дарыту арқылы адамның қоғамда өз орнын табуына, қабілет дарынының ашыла түсуіне, ақыл-парасатын дамытуына, яғни сәнді де мәнді өмір сүруіне қызмет етеді.

Тұлғаның рухани дамуына қол жеткізуіне мүмкіндік беретін нақты білімдік тәжірибеде ең алдымен, «Өзін-өзі тану» пәні арқылы жүзеге асырылады. «Өзін-өзі тану» пәні-жүрекке арналған пән. Ол заманауи білімді ішкі рухани-адамгершілік мазмұны жағынан толықтыруға арналған. Білім беру үдерісінде баланың жеке тұлғасын физикалық және интеллектуалдық аспектісі тұрғысынан дамытып қана қоймай, ең әуелі баланың жоғары рухани-адамгершілік болмысын ашу қажет. Ал, рухани-адамгершілік –ішкі білім де, жүрекке арналған білім. Мәңгілік жалпыадамзаттық құндылықтарға негізделген кемел мінезді, ойы, сөзі және ісі бірлікте болатын адам тәрбиелеу-қоғамның басты қажеттілігі. Ал, қоғамның қажеттігін іске асырушы тұлға –мұғалім. Бала бойына адамгершілік тәрбиесін сіңіру мақсатында жалпы ұстаздардың іс-тәжірибесінде қолданып жүргені бәрімізге мәлім. Қазіргі жаһандану үрдісінде еліміздің бәсекеге қабілетті ұрпақ тәрбиелеу басты назарда.Ал адамның жан дүниесін, адамгершілік болмысын қалыптастыру да, кей тұлғалардың түрлі жағдайлармен бір-бірін түсінбеуі де сіз бен бізді толғандырады. Себебі біз сол қоғамның мүшесіміз. Бәсекеге қабілетті ұрпақты жан-жақты қылып тәрбиелеу үшін алдымен жан қазынасының негіздерінің б

Оқыту, білім беру, тәрбиелеу-баланың ішкі жан-дүниесінің біртіндеп дамуына әсер ететін, түрткі болатын, жағдай жасайтын және оларды іске асыратын сыртқы факторлар болып табылады.Еліміздің ертеңі, ұлтымыздың болашағы-бүгінгі мектеп қабырғасындағы тәрбиеленушілер мен білім алушылар. Олардың қамын ойлау баршамыздың парызымыз. Әр мектептің мақсаты мен мұраты өркениетті елдердің қатарынан көріну, жерімізді және жер байлықтарын ысырап етпейтін ұрпақ тәрбиелеу. Сондықтан да жас ұрпаққа сапалы білім мен саналы тәрбие бере отырып, елдің өткенін, ұлттың тарихын, мәдениеті мен салт-дәстүрін, табиғат ерекшеліктерін таныстыру қажет.