Отбасындағы рухани адамгершілік туралы мақала

ОҚО, Сайрам ауданы №12Т.Рүстемов атындағы мектеп гимназия Тақырыбы: Отбасындағы рухани адамгершілік тәрбиесі Мұғалім: М. Ахмадбеков

Мақсаты: Ата - аналарға рухани адамгершіліктің маңыздылығы туралы терең мәліметтер бере отырып, ата - аналардың бойында ізгілік қасиеттерді бала тәрбиесімен ұштастыра білуге және балалардың бойында жалпыадамзаттық құндылықтарды жарыққа шығара білу керектігін түсіндіру.

Қазақстан мемлекеті жаңа тарихи кезеңге аяқ басты. Жетпеген үлкен белестерге жетіп даму үстінде келеді. Еліміз үнемі өзінің ұлттық кодын сақтап, мұраға қалдыруға тырысуда. Ал ұлттық код дегеніміз не, оны қарапайым тілмен қалай түсінсек болады. Ұлттық код бұл біздің болмысымыз ішкі дүниеміз, жанымыз ең бастысы біздің рухымыз.

Ұлттық кодты сақтап қалу рухани жаңғыруға алып келеді.

Ал рухани жаңғыру тек қана өзін-өзі тану ғылымын толығымен игеру нәтижесінде ғана жүреді.

Өзін-өзі тану пәнін тереңдету оған жеткілікті көңіл бөліп міндетті пәндермен қатар қою арқылы біз рухани жаңғыруға қол жеткізе аламыз.

Әр бір адам мақсатқа жету үшін біздің санамыз ісімізден озып жүруі яғни одан бұрын жаңғырып отыруы тиіс.

видео

С.А.Назарбаева

ӨМІР ӘДЕБІ

(кітаптан үзінді)

“ Ғасырлар тоғысында біз ойда - жоқта тәрбиенің басты мақсаты – бала компьютер тетіктерін басып, ағылшынша былдырлап сөйлей білсе жеткілікті деп шештік. Міне ол дап-дайын жаңа формация адамы! Ал сол баланың мейірімділік пен зұлымдықтың айырмашылығын ажырата алмайтыны, жақынының ауыртпалығын бөліспейтіні бізді ойландырмайды да...Мен балаларды жастайынан салауатты және бақытты болу өнерін меңгергенін, өмір даналығын бойына сіңіріп, адамзатқа риясыз қызмет ету арқылы бақытқа бөленуді үйреніп өскенін қалаймын. Өздерінің кім екенін, не үшін өмір сүретінін, неге ұмтылатынын терең түсінуі керек. Әр адамның өзін –өзі тануы қажет” .

Дәйексөз

Отбасы - адамның жақсылық жасауға үйренетін ең бірінші әлеуметтік ортасы .

Сухомлинский В.А .

Отбасы бала тәрбиесінің ең алғашқы ұжымы. Оның ер жетіп өсуі бойындағы алғашқы адамгершілік белгілері, отбасында қалыптасады. Жеке адамның бойындағы ар-ұятын, ақыл ойын, адамгершілігін, мәдениеттілігін тәрбиелеуде отбасының ықпалы көп.

Отбасындағы ең әмбебап, өте қиын, сонымен қатар, ең игі жұмыс – бұл адамның қолынан не келетіні. Бұл жұмыстың әр бір сәті тәрбие деп аталады. Баланы тәрбиелеу – бұл өте ерекше – рухани күш жұмсау. Балалардың қандай адам болатыны, болашақта олардың ақыл – есі мен еркі қалай болатыны, көбінесе оның ата-анасының қандай тәрбие бергені мен педагогикалық жағынан әсер ететініне байланысты.