С есебі бойынша қазақ тіліндегі эссе

С есебі

Рефлексия және даму

Тізбектелген сабақтар топтамасы бойынша рефлексиялық есеп

Мен «Тиімді оқыту мен оқу» Қазақстан Республикасы педагог қызметкерлерінің біліктілігін арттыру бағдарламасы бойынша курстан теориялық білім алып, мектепте тәжірибеден өттім. Тәжірибеге барған алғашқы күннен бастап-ақ күнделікті сабақ жоспарымда жеті модульді ықпалдастыра енгізуден бастадым, яғни, сабақ жоспарымды дұрыс, курстан алған теориялық біліміме сүйеніп жасадым. Мен курсқа келмей тұрып, көбінесе жақсы оқитын балалармен жұмыс жасап, үй тапсырмасын оқып келген балалардан ғана сабақ сұрап, басқа балалар назардан тыс қалып отыратын еді. Сондықтан бұдан кейінгі уақытта сабаққа оқушылардың барлығын қатыстыру мақсатында неше түрлі әдіспен шағын топқа бөліп, бірлескен жұмысқа тарттым, себебі шағын топта да оқушы өз даралығын жоғалтпайды. Тәжірибеде байқағанымдай, қажетті жағдайда оқушылар бір-бірінен көмек сұрай алды, ортақ міндеттерді шеше білді. Осындай топтық жұмыста бұрынғы сабақтарымда сабаққа қызығушылығы төмен, кітаптың бетін ашқысы келмейтін Б1,Г,А1,А2,Б2 деген оқушыларым көбірек белсенділік танытып, өз пікірлерін ашық айтып, басқа топтың жұмыстарына ұсыныстарын беріп, көзқарасын білдіріп, бағалап отырды.Бұл мен үшін үлкен жетістік болды, бұрын мен оларға қандай баға қоярым

Жеті модульді тізбектелген сабақтар топтамасына енгізу арқылы үлкен жетістікке жеттім десе де болады. Әр сабағымда оқушылардың сыни ойлауын қалыптастырдым. Мысалға, «Айтыс және оның түрлері» сабағымда «Джиксо» әдісін қолдандым. Бұл жағдайда топ басшылары өздерін мұғалім ретінде сезініп, көшбасшылық етті. Оқушылар өзара ролге бөлініп,тайм киперлер уақытты бақылап отырды.Топтағы оқушылар «Айтыс және оның түрлері» тақырыбында постер жазып, өзара талқылады, топта түсіндірді.Соның нәтижесінде оқушылар тақырыпты жоғары табыспен меңгерді және бұл әдіс оқушылардың есте сақтауы үшін өте тиімді болды,әсіресе, сабақта үндемей отыратын оқушылар пікір айтып,көшбасшылардың жұмысына өз көзқарастарын білдіріп, белсенді қатысты. Осы сабақта «Еркін жазу» стратегиясын ой толғаныс кезеңінде пайдаландым. «Айтыс және оның түрлері» туралы, одан алған әсерін, не үйренгенін қағаз бетіне түсірді.Жазуға уақыт бердім. Уақыт аяқталған кезде оқушылар өз жазғандарын топ мүшелеріне оқып берді. «Ең үздік» деп танылған жұмыс, яғни Қаршығаева.А,Екпін.Г, Жүсіп.А, т.б. оқушылардың эссесі ұжымда оқылды.Бұл әдісте оқушылар алған білімдерін қорытып, оған сын көзбен қарап, ойын түйіндеуге үйренді.

Ал «Біржан- Сара» айтысы сабағымда Венн диаграммасын қолдандым. Оқушылар диаграмма арқылы «Біржан мен Сара» айтысы мен қазіргі айтысты салыстырып, талдау жасауға үйренді,айрмашылықтары мен ортақ белгілерін нақты мысалдармен дәлелдер келтірді.Соның нәтижесінде оқушының сыни көзқарасы қалыптасты,білген ақпараттарды сабақта қолдана білді. Осы сабақта «Үштік» ойынын қолдандым. Оқушыларды үшеуден отырғызып, екеуін бір-біріне қарсы, ал біреуін сәл алшақта сөйлесуге қатыспады, бірақ бақылады. Бірінші оқушы «Айтыс және оның түрлері» туралы ,өзіндік ерекшеліктері туралы толық айтты, екіншісі сұрақ қойды, ал үшінші оқушы қажетті жерлерін түртіп алып, әңгіме соңында қорытынды берді. Бұл ойында оқушы бақылаушы ролі арқылы өзін- өзі сараптауды дамытуға ықпал етті, мұқият тыңдауға дағдыланды, ортада сөйлеуге машықтанды.

Сабақта ойын технологиясын қолдану- оқушылардың сабаққа деген қызығушылығын, тілін, зейінін дамыту құралы. Мысалға, «Лото» ойыны бір қарағанда , қарапайым құбылыс не әрекет сияқты болғанымен, ол ұжымдық әрекет.Бұл ойынның шарты бойынша үйде дайындалып келген сұрақтар негізінде жүргізілді. Бұл ойын арқылы өздігінен жұмыс істеуге үйренді,көншілік алдында сөйлеуге машықтанғаны көрінді, байқампаздығы артты, өзара сыйластыққа үйренді, ойынның ережесін бұзбау, яғни, тәртіптілікке үйренді, бір- біріне деген сенімі артты.

«Жыраулар поэзиясы» тақырыбындағы сабағымда жаңа тақырыпты меңгерту мақсатында «Екі минуттық сөйлеу» әдісін қолдандым. Ең бірінші оқушыларды жұпқа бөліп, жаңа тақырыпты оқып танысуға уақыт бердім, жұптарды саналу реті бойынша 1, 2, 3, 4, 5, ....... деп белгіледім. Берілген уақыт өткен соң ,лото ойыны сияқты жетондарды оқушылар таңдап суырып, сол сан негізінде жұп болған оқушылар 2 минут берілген тақырып бойынша сөйледі. Бұл ойын нәтижесінде оқушылар уақытты үнемді пайдаланды, жылдамдыққа үйренді, көпшілік алдында сөйлеуге жаттықты, сөздік қоры, есте сақтау қабілеті артты, өз бетінше жұмыс жасай білу дағдылары дамыды. Сабақта «Топтастыру» стратегиясын пайдаландым, онда оқушыларға меңгерген жаңа ақпараттарды топтастыруды тапсырдым.Топтастыру- оқушыларды еркін ойлауға және тақырыпты ашық талқылауға бағытталған оқыту стратегиясы. Бұл-жаңа идеяларды жинақтап, бір-бірімен сабақтастыру үшін қажетті құралым. Топтастыру оқушылардың сабаққа деген қызығушылығын ояту үшін, ой тудыруды күшейту үшін қолданылады.Олар «Жыраулар поэзиясы» тақырыбынан алған білімдерін топтастырып әртүрлі суреттер, сызбалар арқылы ұжымда ынтымақтаса жұмыс істеді. Ал Асан қайғы «Бұл…