ПҚМК А есебі бойынша әдістемелік материал

Бүгінгі күннің өзекті мәселесі - білім беру жүйесінің бәсекеге қабілеттілігін арттыру үшін өз еліміздің білім беру жүйесін халықаралық стандарттар деңгейіне шығару екенін анық білемін. Мен осы қағидаға сүйене отырып, өз үлесімді қосу үшін жаңартылған білім беру аясында өзгеруім қажет екенін, іскерлігімді дамытып, көшбасшылар қатарынан көрініп, өскелең ұрпақтың сындарлы тұрғыдан ойлануына ықпал ету.

Менің «Педагогикалық қоғамдастықтағы мұғалім көшбасшылығы» курсына келу мақсатым:

Алдыңғы қатарлы мұғалімдердің қатарына ілігу;

Педагогикалық іс- шеберлігімді арттыру;

Оқыту мен оқудағы әдістерімді тиімді пайдалана білу;

Оқушылардың білім мен дағдыларын дамыта отырып, алған білімдерін өмірде дұрыс пайдалана білуіне баса назар аудару;

Әріптестерімнің кәсіби дамуына ықпал ету;

Әріптестеріммен бірлесе отырып, мектептің заманауи талаптарына сай жаһандануына үлес қосу.

Пажарестің айтқанына сүйене келіп, мұғалімнің білімділігінен бұрын ұстанымға негізделген ой тоқтамдарының ықпалы күштірек екенін назарға аламын. Оқыту үдерісіндегі барлық іс-әрекеттер оқушыға әсер етеді. Қарқынды өзгеріп жатқан әлемде мұғалім үшін ең басты маңызды мәселе болып « Нені оқыту керек ?» және « Қалай оқыту керектігін ? » үйретуді алдыма мақсат етіп қою керектігін енді ұққандаймын. Осы күнге дейінгі әдіс – тәсілдерімді дұрыс жүргізбегеніме көз жеткіздім. Былтырғы оқу жылында жаңартылған білім беру курсынан өте жүріп біраз нәрсені үйрендім. Ал бүгінгі күнгі оқуым тың өзгерістерді алдыма тастап, көзімді ашқандай. Өйткені мен өз сабақтарымда жеті модульдің барлығында қарастырылатын идеяларды «Оқыту мен оқудың жаңа тәсілдері» дей келе дұрыс пайдалана білмегенмін. Сондықтан мұғалімнің заман талабына сай өзгеріп, қалай оқу керектігін сезіндім.

Білім беру нәтижелеріне табысты қол жеткізуді, алған білімді оқу және іс – тәжірибеде сыни тұрғыдан ойлау негіздерін қалыптастыру үшін өз сабақтарымда қазақ тілі мен әдебиетті оқытудың тиімді нысандарын енгізуді көздедім. Себебі өз сабақтарымды өту барысында қайшылықтардың белең алып жатқанын анықтадым. Олар:

Диалогтік оқытуда сын тұрғысынан ойлану сұрақтарын дұрыс қоя білу;

Дарынды және талантты балалардың қабілетін ашу;

Баланың ішкі уәжімен санаспау;

Бірыңғай пікір, жауап, көзқарастың болуы;

Критерийлер бойынша бағалаудығ не екенін түсіну.