С және Ш дыбыстарын ажыратуға арналған ашық сабақ

С-Ш дыбыстарын ажырату

Жеке сабақ

Мұғалім-логопед: Қожабекова Гүлназ Бейсенқызы.

Сынып: 1 «Г» арнайы сынып

Оқушы: Дәрбіш Әділет

Диагнозы: Ашық ринолалия, ОНР-ІІІ деңгей.

Білімділік мақсаты: С-Ш дыбыстарының айтылуын және артикуляциялық қалпын түсіндіру.С-Ш дыбыстарын буында,сөзде машықтандыру;

Түзетушілік мақсаты: артикуляциялық жаттығулар жасату арқылы сөйлеу мүшелерінің қимыл – қозғалысын белсендіру. Дидактикалық ойындар арқылы баланың логикалық қабілетін,көріп қабылдауын дамыту;

Тәрбиелік мақсаты: логопедті мұқият тыңдауға,тапсырмаларды тиянақты орындауға,өз-өзін ұстай білуге тәрбиелеу.

Сабақтың көрнекілігі: С-Ш дыбыстары бар суреттер,муляждар;

Сабақ барысы:

Ринолалиясы бар балаға отадан кейін жүргізілетін массаж түрлері.

1.Үстіңгі ерінге арналған сылап,уқалау жұмыстарының түрлері:

А) «Ұзына бойы сипалау»

Орындалу тәсілі: екі қолдың сұқ саусағымен мұрыннан екі езуге қарай уқалау (10секунд)

Ә) «доңғалатып және ирелектендіріп сылау»

Орындалу тәсілі: екі қолдың сұқ саусағымен мұрын мен еріннің айналасын дөңгелетіп, ирелектендіріп жұмыс жасау.(10секунд)

Б) «Қарама-қарсы сипау»

Орындалу тәсілі: оң қолдың сұқ саусағымен үстіңгі еріннен мұрынға қарай жоғары, төмен бағытта сипау.

В) «Үзбей дірілдету»

Орындалу тәсілі: сұқ саусақтың көмегімен үздіксіз дірілдете отырып, мұрыннан еріннің шет жақ беткейіне уқалау (10секунд)

Г) Тігіс орнын қысу

Орындалу тәсілі: үлкен және сұқ саусақтарымен жоғарғы еріннің қатпарларын (тігіс орны) ұстап, оны қысады (10секунд)

1.Ұйымдастыру кезеңі:

- Әділет, денеңді тік ұстап, қолыңды партаға қойып,айнаға қара.

- Мен қазір саған «Көңілді тіл» туралы ертегі айтамын. Мұқият тыңда.

- Өзінің үйшігінде бір көңілді тіл тұрыпты. Ол қандай үй? Ол үйдің есігі ашылып жабылады?

Тіл үйінде отыра алмай, далаға шығады.

Міне, ол күнге шығып жылынып жатыр (жалпақ тіл). Кенеттен жел соқты. Көңілді тіл үйіне кіріп, тәтті қайнатпамен шай ішіп, жоғарғы ерінге қайнатпа жұқтырып алды. Оны жалады (жоғарғы ерінді жалау). Соңынан тісін тазалады. (Тілдің ұшымен төменгі, жоғарғы тістерді тазалау)

Тіл үйшігінде ұзақ отыра алмады. Далаға шықса, балалар футбол ойнап жүр екен. Ол да қосылды,қақпаға доп соқты. Одан кейін көбелекпен ойнады. Көлге барып қайықпен жүзді. Шаршаған көңілді тіл үйіне келді. Тіл сағатқа қарады. Сағат сыртылдап тұр екен. Мен ұйықтайын уақыт болған екен деп тіл…