Ш және с дыбыстарын ажыратуға арналған ашық сабақ

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ҚОСТАНАЙ ОБЛЫСЫ

НАУРЫЗЫМ АУДАНЫ

ШОЛАҚСАЙ ОРТА МЕКТЕБІ

С-Ш дыбыстарын ажырату

/ашық сабақ/

Дефектолог-логопед:Сағидолла Мөлдір Омарбекқызы

2017-2019 оқу жылы

Сабақтың тақырыбы: С-Ш дыбыстарын ажырату

Сабақтың мақсаты:

Білімділік: артикуляциялық жаттығулар арқылы «ш-с» дыбысын сөзде, буында дұрыс айтуға машықтандыру, фонематикалық қабылдауын дамыту

Түзетушілік: ойын тапсырмалары арқылы ойлау, танымдық процесстерін дамыту,ұсақ моторикасын дамыту-түзету

Тәрбиелілік: қызығушылық ояту, зейінді, белсенді болуға тәрбелеу

Сабақ типі: ашық сабақ

Көрнекіліктер:Айна, плакат,қоянның суреті,тапсырмалар,қорап,презентация.

1.Ұйымдастыру бөлімі:

- Оқушылар, бізге бүгін қонақтар келіп отыр екен. Қане, қонақтармен амандасайық. Бүгін біз сабақты бірімізге жылы тілектерімізбен бастаймыз (әр оқушы өз ойынан тілек айтып, орындарына отырады)

- Қазір жылдың қай мезгілі? Ендеше сонау күзгі орманнан бізге қоян қонаққа келген екен .Қоянның өзімен тапсырмалар ала келген (қоржынында тапсырмалар болады).Сабаққа белсене араласқан оқушыға сабақ соңында сый-сыяпат береді(қоян жайғасады).Сонымен қоса қоянның ережелері бар екен.

Қоянның ережелері:

Сабақта тыныш отырамыз.

Бір-бірімізді тындаймыз.

Сабаққа белсенді араласамыз.

Артикуляциялық жаттығу: «Сағат», «Әткеншек», «Футбол», «Ат шауып келеді», «Кесе», «Тәтті тосап», «Түтікше».

2. Негізгі бөлім.

1-тапсырма

Сабақтың тақырыбы мен мақсатын анықтау.

Мен ...абақты жақ...ы оқимын.

Қыста ...анамен ойнаймыз.

...ынар ...олпанды ...ақырды.

...анжар әже...іне көмекте...ті.

«С, ш – дыбыстарын анық айта аласыздар ма?»

С-дыбысымен жұмыс. Жылан қалай ысылдайды? с-с-с...

Буында машықтандыру:

са-са-са со-со-со су-су-су

«С» дыбысы сөздің қай жерінде естіледі: басында, ортасында,соңында

Сабын,қасқыр, күнбағыс.

Жұмбақ шешейік.

1)Күнде есебін жаттайды,

Ешбір тыным таппайды.

Алмайды бір тағат

Оның аты.... (сағат)

2)Жылт-жылт етеді,

Жылғадан өтеді. (су).

Ш-дыбысымен жұмыс.

Орманда қатты жел соқты:Ш-ш-ш.. Ш-дыбысын айтқанда қандай ауа соғады алақанымызға? Жылы ауа.

Сөзде «ш» дыбысын естісеңдер қолдарыңды шапалақтаңдар.

Сақа,мысық,шана,тышқан,қалам,сабын,қайшы,қас.

2-тапсырма

Буындардан сөз құра

Сергіту сәті:Көңілді күн

3-тапсырма

«Ғажайып қалта» ойыны

Ш-С дыбысынан келетін сөздерді бөлек-бөлек жина.

Қорытынды бөлім

«Адасқан әріптер» ойыны

Қоян сөйлейді: - Балалар, сендер менің барлық тапсырмамды орындадыңдар, сендерге ризамын! Мына қоржындағы сыйлықтарымды таратайын (оқушыларға арахис «тәтті жаңғақ» таратады).Ал, енді мен орманыма оралайын.Сендерге келесіде тағы келермін.Сау болыңыздар!!!