С және з дыбыстары тілдің дыбыстық мәдениеті

№1 екінші кіші тобының ұйымдастырылған оқу қызметінің конспектісі

Өткізу күні: Білім беру салалары: «Коммуникация»

Пән:Сөйлеуді дамыту.

Тақырыбы: «С» және «З» дыбыстары Тілдің дыбыстық мәдениеті

Мақсаты: Балаларға «С» және «З» дыбыстарының артикуляциясын көрсету және түсіндіру. Сөйлеу кезінде дұрыс тыныс алуларын және дыбыстарды таза айтуларын дамыту. Барлық дауысты және дауыссыз дыбыстардың сөйлемде анық, таза, әрі түсінікті дыбысталуын бекіту. Дауыс және артикуляциялық құралдарын дамыту. Дыбысты дұрыс қабылдауды (сөздегі берілген дыбысты есту және айта білуді) дамыту.

Көрнекілігі: мазмұнды сурет, үлестірмелі материалдар.

Сөздік жұмыс: үйшік ашылады, жабылады, ызылдайды, ысылдайды.

Белингвалді компонент: тіл – язычок, үйшік- домик.

1. Барысы:

Балаларды шеңбер жасап тұрғызып, бір-біріне таңертеңгілік жылы лебіздерін білдіреді.

2.Негізгі бөлім.

Балалар,сендер білесіңдер ме? Біздің аузымызда Тіл өмір сүреді екен. Ауыз Тілдің үйшігі. Үйшік ашылады, жабылады.

Тіл бірде үйшіктен қараса, бірде оған жасырынып қалады. Тіл әртүрлі ән айтқанды өте жақсы көреді екен. Бірде ол былай ән айтты: «а-а-а». Қалай айтты? Қәне барлығымыз бірге айтайық. Маған көмектесіңдер.

Бірде орманда жүрген жылан «с-с-с» деген дыбыс шығарды.

Тіл жыланның да әнін үйреніп алды. Тіл: «с-с-с»- деп, әндетеді. Қәне, балалар, барлығымыз бірге жыланның әнін айтайық. «С» дыбысын

дұрыс айту үшін тілдің ұшын астыңғы тіске тигізу керек.

Тілімізді тигізейік (тәрбиеші балалардың тілді дұрыс қойғанын қарап шығады) Аузымызды жауып демаламыз. Тілімізді астыңғы тісімізге тигізіп, баяу дауыспен айтамыз: «с-с-с». Балалар, Әділет қалай «с» дыбысын айтады екен тыңдайық.

− Балалар айтыңдаршы «з-з-з» деп ән салатын қандай жәндік?

− Иә, бұл масаның әні. Бұл әнде жыланның әні сияқты айтылады. Жуан дауыспен айтамыз. Ал, енді дауыстап бәріміз бірге «з» дыбысын айтайық: «з-з-з-з».

Қәне, тыңдайық Іңкәр қалай айтады екен. (4-5 баладан сұрау.). Масалардың барлығы ән салды (барлық бала ызылдайды). Олар алысқа ұшып кетті,

тып-тыныш болып қалды.

Балалар Тілге «с», «з» дыбыстары өте ұнады. Енді ол әртүрлі ән айта бастады.

Са-са-са- ызылдайды маса.

Су-су-су -біз ішеміз су.

Ас-ас-ас- қазанда тұр піскен ас.

За-за-за - үйдің іші таза.