Сәкен Сейфуллиннің өмірі мен шығармашылығы, 9-сынып

Сабақтың тақырыбы: Сәкен Сейфуллиннің өмірі мен шығармашылығы

Білімділігі: ақынның өмірін, шығармаларын балаларға меңгерту, білімдерін аттыру

Тәрбиелілігі: парасаттылыққа, ізгілікке, имандылыққа, елжандылыққа, адамгершілікке,отан сүйгіштікке тәрбиелеу

Түзету міндеті: оқушылардың ойлау,есте сақтау қабілеттерін аттыру

а. Сөздік қорын дамыту: ақынның өмірбаянын оқыту арқылы балалардың сөздік қорын дамыту

б. Сөйлеу тілін дамыту: ақын шығармаларынан алған әсерлерін баяндау арқылы сөйлеу тілін дамыту

Сабақтың барысы:

І. Ұйымдастыру кезеңі сәлемдесу

ІІ. Үй тапсырмасын тексеру

Жамбыл жабаев Бұл өлеңді Пушкиннің қандай мерейтойына арнады?

Пушкиннің жырын неге теңейді?

Жамбыл Жабаев қай жылы дүниеге келді?

Жамбыл кімнің шәкірті болды?

Құлмамбеттің жеңуінің маңызы?

ІІІ Жаңа сабақ Сәкен Сейфуллин (1894-1937)

ХХ ғасырдағы қазақ поэзиясын жаңа түрі, тың мазмұнмен байытқан ақиық ақын, ірі мемлекет қайраткері, сарабдал жазушы, драматург, әдебиет зерттеушісі, республика қаламгерінің бетке ұстар беделді серкесі, осыларға сал-серілігі мен сирек ұшырасатын сымбаттылығы қосылып, көзінің тірісінде-ақ аңызға айналған Сәкен Сейфуллин-қоғамдық ой-пікір, әдеби-мәдени тарихымызда ерекше орын алатын жақын тұлға.

Ұғымтал Сәкен ауыл молдасынан оңай хат танып, қолына түскен ескілі-жаңалы кітаптарды бас алмай оқиды. Сәкенді тоғыз жаста әкесі Нілдегі орыс дасының үйіне апарып тастайды, ол жерден Сәкен орыс кемпірден орысша сөйлеуді үйреніп алады. Сол жерде зауытта орыстармен бірге жұмыс істейді

1914 жылдары Ақмолада мұғалімдер даярлайтын семинарға оқуға түсіп, 5 жылда бітіріп шығады. Сәкеннің шығармалары өзінше әдемі, нәзік. Сәкен әдеттегі өмірде қарапайым, қонақжай кісі болған. Сонымен қатар өте сымбатты, артқа қарай таралған шаштары маңдайын ашып тұратын болған. Қара көзді, қалың қасты, қыр мұрынды адам болған. Бос уақытында домбыра тартып, халық әуендерін тыңдағанды ұнататын болған.

Дәптермен жұмыс

Ақынның өмірінің маңызды деген тұстарын дәптеріңе көшіріп жаз

ІҮ Сергіту сәті

Ептеп-ептеп жерден бидай терейік,

Тергеніңді торғайларға берейік.

Торғайларың томпаң-томпаң секірсін,

Ол да біздей үлкен болып жетілсін.

Шаршадың ба, отыра ғой деміңді ал,

Енді менің әңгімеме құлақ сал.

(отырады, тұрып екі аяқпен секіреді, сосын өз орындарына отырады)

Ү Өз бетінше жұмыс

Ақынның өмірбаянын мәнерлеп оқу

ҮІ Сабақты қорытындылау

Сәкеннің отбасы қандай болды?