Санама нұр төккен ордам туралы қазақ тіліндегі мақала

Санама нұр төккен ордам

Ілияс Жансүгіров мектебі – білім бұлағының басты ордасы. Өз ортасының абыройлы да ғажап көрінісі.

Шексіз керемет пен асқан өнеге – өрнегің бар, білімді ұрпақтың нағыз бұлақ көзіне бағыт берген мерейлі мектебіміз! Бүгін өзің жайлы сыр шертілмек, өзің жайлы сиясы кеппеген жырлар моншағын төкпек, іште жатқан бар шер тарқатылмақ.

Қабырғасы сонау жарты ғасырдан астам уақыт бұрын қаланған, қазіргі таңда өзіндік білікті мамандарымен толықтырылып отырған орданың хал – ақуалы жоғарғы кереметтей дәрежеде. Уақыт болмысы өз кезегінде шаңырағы биік, тарихқа бай саналы ұрпақты тәрбиелеуде басты жауапты мектебіміздің мәртебесі күн санап артуда. Тұнығы лайланбаған туған өлкеміздің қаншама түлегін жетілдіріп, қанаттарын қатайтып, келер болашақтың нағыз шынайы өміріне бойұсындырған айтулы ордамыздың табалдырығы қашан да құтты,қашан да берекелі.

Қазіргі таңда Шаулиева Сапаргүл Тұрлыбекқызы басшылыққа алған мектеп тізгіні ауыз толтырып айтарлықтай мол жаңалықтар мен көлемді тақырыптарға басты себеп болып отыр. Бұрын – соңды атқарылмаған іс – шаралар, ауқымды жобалар ерекше леппен жасалынып, өзге де білім ордаларына үлгі боларлықтай ғажайып күйге еніп отыр. Ондағы қабілеті мол, қаншама жылдық еңбегі сіңген мамандардың бұл күндері жеткен жетістігі, ғаламат ордаға тартуы жыл санап еселеніп жатыр. Жаратылыстану мен гуманитарлық бағытта сараланып реттелген білімге құштар әрбір шәкірттің мызғымас білімі көңіл көншітерліктей. Аудандық, қала берді облыстық дәрежедегі сөзсіз марапаттарға ие болып отырған мектеп ұжымы және шәкірттерінің еңбегі орасан зор. Қанмен келген талант, ана сүтімен дарыған шексіз қажырлы ыждахаттылық мектеп бірлігінің атауына әрқашан сеп болып отыр.

Елбасымыздың елдікті, соның ішінде бірлікті ту ете дәріптеуі айтылыр бастапқы тақырыптың өзегі болмақ. 2017 жылғы қабылданған «Болашаққа бағдар: рухани жаңғыру» аясында сананы жаңғыртар ұлы көріністер, мектепішілік байқаулар, олимпиадалар, саны ғажап іс – шаралар арнасы толастап, бүгіннің басты жаңалық газет беттерінде басылымдарға шығар жаңалықтың ең биігі болды.

Рухани жаңғыру дегенде көз алдымызға, ең алғаш айтарда ауызға тиер сөз өткенімізді дәріптеп, бабалардың мол мұрасын санамен жаңғырту, келер ұрпақтың қазығы болар бүгінгі қадамымыздың хабаршысы бола білу.

Алға тек жылжысын елдіктің бастауы,

Қаймағы бұзылмай, жас елдің жастары.

Рухани жаңғыру – көненің көздері,

Сақталып бабамның әр сынық тастары,

- деуімізге басты себеп те осы болмақ. Ендеше атқарылар әрбір қызмет, міндет пен ерен еңбектер өз мүддеге емес, бір елдің біріккен ортасының несібесі. Оған білек сыбана кірісу мына біз, ел ертеңі азаматтары мен азаматшаларының басты мақсаты.

2017 жылдың желтоқсан айының 16 – жұлдызында үлкен іс – шара өтіліп, құрметті ардагер ұстаздарды шақыру барысымен ас берілді. 2014 жылғы түлектер буыны қазақ тілі және әдебиеті пәнінен ойып түсер орын қалдырған өнегелі ұстаз марқұм Байларова Гүлжан апайды еске алып арнайы ас берді. Және де химия кабинетініне марқұм ұстазымыз Тілеубаева Гүлнар апайдың есімі берілді. Қыркүйек айының 20 – шы күнінде берілген үлкен астың аталып өтуі есте қаларлықтай болды.…