Талаптыға нұр жауар туралы қазақ тілі мақаласы

Талаптыға нұр жауар

«Баласы атқа шапса, анасы үйде отырып тақымын қысады» дегендей, шәкірті додаға түскенде ұстаз жүрегі де жеңіске тілеулес болып толқиды. Спортты айнымас серік еткен жас өркеннің қажырлы еңбегі мен табандылығын, арман жолына адалдығын көргенде бойыңды қуаныш пен мақтаныш сезімі кернейді.

«Жақсының жақсылығын айт, нұры тасысын» демекші, мен бүгін мектебіміздің 11 «Г» сынып оқушысы, спорт шеберіне үміткер Сенбек Сұлтан жайлы ой толғамақпын. Сұлтан менің сыныбымда 5-сыныптан бері оқып келеді. 6 жасынан батуттық гимнастика бойынша акробаткалық жолда секірумен айналысады. Бала күнінен гимнастикаға ден қойған Сұлтан бүгінде талай жарыстан жүлделі орындарды қанжығасына байлады. Сұлтан 2018 жылы Санкт-Петербург қаласында әлем чемпионатына қатысып жеңімпаз атанды. Қазақстан бойынша 3 рет алтын, 4 рет күміс жүлдеге қол жеткізген еліміздің бірнеше дүркін чемпионы. Өткен жылы Өскеменде өткен оқушылар спартакиадасында алтынға ие болды. 2021 жылы Баку қаласында әлем чемпионатына қатысты. Кішкентайынан төгілген тердің арқасында 2021 жылы Сұлтан спорт шеберіне үміткер атағын алды. Болашағынан көп үміт күттіретін жас ұлан Олимпиадаға дайындайтын спорттық мектепте 10 жылдан бері жаттығады.

Сұлтан КММ «№9 балалар мен жасөспірімдердің мамандандырылған олимпиадалық резерв мектебінде» талабын шыңдау үстінде. Сұлтанның серіппедей созылған акробатикалық қимылдары көрген көзді таңқалдырады, өнерлі жастың атылған жебедей әсем қимылдарын спорттық жарыстарда ғана емес, Алматы циркінде де тамашалауға болады.«Бақ шаба ма, бап шаба ма» дегендей, жас баланың дарынын байқап, қабілетіэн шыңдаған бапкердің еңбегі ұшан-теңіз. Бала күнінен талапты балаға гимнастиканың қыр-сырын үйретіп келе жатқан Сұлтанның бапкері—Косауров Алексей Анатольеви. Бапкер мен шәкірттің басты арманы — әр спортшының көздейтін шыңы Олимпиада чемпионы болу.

«Ұяда не көрсең, ұшқанда соны ілесің» деген халық даналығында айтылғандай Сұлтанның спортқа жақын болуына ата-анасының үлесі зор. Әкесі спорт саласының маманы болғандықтан отбасында «дені саудың — жаны сау» деген қағида берік орын алған. Салауатты өмір салтын ұстанатын Сұлтанның жанұясында 5 «Е» сынып оқитын қарындасы Адия да гимнастикамен шұғылданады. Аналары — ұлағатты ұстаз, бастауыш сынып мұғалімі. Балаларды жастайынан спортқа баулып, саналы да салауатты ұрпақ өсіріп…