Ш. Амонашвилидің еңбегіне ой пікір 11 сынып

Ақтөбе облысы, Хромтау ауданы,Оңғар орта мектебінің өзін-өзі тану пәнінің мұғалімі Танзенова Гульбаршин Кушалиқызы дайындаған

Ш.Амонашвилидің «Улыбка моя, где ты?» атты еңбегіне ой-пікір

«Мен, балалар мен мұғалімнің кәсіби өмірін тереңірек таныған сайын, педагогика оқулықтарынан мен өзіме деген, мұғалімге деген және өз оқушыларыма деген сүйіспеншілікті көре алмадым?» - деп ашынады ізгі педагог Ш.Амонашвили.

«Улыбка моя, где ты?» атты кітаптың тақырыбына аса көңіл аударуға болады. Ол адам бойындағы құнды қасиеттерге түсінік бере отырып, күлкі мен жымиюдың адам өміріндегі қажеттілік екенін түсіндіреді және балаларға жылы жымиып, шынайы күліп жүру керектігіне көз жеткізіп отыр. Күлкі-адам өміріндегі ең қызықты сәт десе де болады.

Балаларды тәрбиелеу, рухани адамгершілік қасиетке ие азамат қалыптастырудың жолдарын көрсете білді: «Улыбка» сөзін ешбір педагогикалық оқулықтардан, сөздіктер мен энциклопедиялардан көре алмаған автор оқырмандарына «Сіз кездестіре алдыңыз ба?» — деп сауал түрінде қоюдың өзі мені ойландырды.

Күлкі рухани күш. Ол жан дүниеңнің жомарттығыңның көрінісі. Ұстаз күлкі өзіне күш беріп, ішкі жан дүниесін байытатынын айтады. Мына өмірде баланың шат-шадыман күлкісінен асқан күшті не бар десеңізші,шіркін.Ал сол баланы қуанта білудің өзі де бір ғанибет емес пе? Балалықтың бал дәмін татып, еркін күліп, еркін ойнап өсу үшін балаға әрдайым мейрімділік, жылулық, сүйіспеншілік, нұрлы күлкі керек.

Облыс әкімі Бердібек Сапарбаевтың бастамасымен биылғы жыл Балалар жылы болып аталды. Осыған орай биыл жыл бойы облыста «Бақытты бала» жобасы жүзеге асырылады. Жоба аясында балалардың толыққанды дамуы үшін барлық жағдай жасалмақ. « Бақытты бала» жобасы — облыс әкімінің бастамасымен елімізде тұңғыш біздің өңірде қолға алынған бірегей жоба. Аталған жоба аясында алдағы екі жылда облыста әрбір баланың жан-жақты дамуына жағдай жасалып, қала және аудандарда әлеуметтік ғимараттар, спорттық және ойын алаңдары салынып, лагерьлер мен сауықтыру кешендері ашылады.

Ш.Амонашвилидің еңбектерін оқыған сайын оқи бергім келеді.Өйткені ұлы ұстаздың әр еңбегі жалпыадамзаттық құндылықтарға толы. Әр еңбегін терең түсініп оқыдым, бұл мен үшін шынайы рухани қазына екеніне көзім жетті. Күлкі күн іспетті-оның өмірі мәңгілік. Оның жарығы мен жылуы…