Ш дыбысын сөзде машықтандыру ашық сабағы

Панорамалық сабақ

«Кәусар» бөбекжай-балабақша логопеді: Даркембаева Ш.М.

Сабақтың түрі : жеке Тақырыбы: Ш дыбысын сөзде машықтандыру

Сабақтың мақсаты: «Ш» дыбысын буында, сөзде дұрыс айтуға дағдыландыру.

«Ш» дыбысының артикулияциясын еске түсіру, сөзде дұрыс, анық айтуға машықтандыру, үйрету, есте сақтау қабілетін дамыту, фонематикалық есту қабілетін дамыту. Баланы ұқыптылыққа және мәдениетті сөйлеуге үйрету. Сөздік қорын молайту, қолдың ұсақ моторикасын дамыту.

Көрнекілігі: Тыныс алу, саусақ жаттығуларының суреттері, артикуляциялық жаттығулардың суреттері, заттық суреттер.

Сабақтың барысы : Психологиялық дайындық

Амандасу.

Амансыңба, алақан! Хлоп – хлоп – хлоп.

Амансыңба, аяғым! Топ – топ – топ.

Амансыңба, бетім! Плюх – плюх – плюх.

Амасыңба, ернім! Чмок – чмок – чмок.

Амансыңба, тістерім! Щелк – щелк – щелк.

Амансыңба, тілім! Чок – чок – чок.

Амансы ң б а бала қай. Амансыңба ма!!!

Біздің бүгінгі сабағымыз саяхат түрінде болмақ, бүгін біз Машаға аюдың үйіне жетуге көмектесеміз. Ол үшін ертегі кейіпкерлерінің бізге берген тапсырмаларын орындауымыз керек.

1. Қоянның тапсырмасы. Саусақ жаттығуы. Қарындашпен жатығу орындату

1.Алақанға массаж. Қаламсапты жібермей, алақанның біреуі үстінде, ал екіншісі астында болуы керек. Алақанды алдыға –артқа қозғалту, алақанның басынан саусаққа дейін жеткізу. 2.Саусақтардың ұшына массаж. Қаламсапты бас бармақ пен сұқ саусақпен ұстау. Қаламсапты саусақтың ұшымен қысып ұстап ысқылау арқылы алдыға, артқа қозғалту. Дәл солай етіп ортаңғы және бас бармаққа, бас бармақ пен шынашаққа массаж жасау.

2.Тиіннің тапсырмасы.Тыныс алу жаттығуларын жасау

«Қарды ұшырайық» жаттығуы - Ауызды кең ашып, тілді жалпақ етіп, ауыздан шығара отырып, қолғаптың үстіне қойылған мақтаны(қарды), тілдің ұшына қатты үрлеу арқылы ұшыру керек. Бірінші мұрын арқылы терең тыныстап, ауаны тілдің ұшына үрлеу арқылы шығару керек. -Ауызбен дем алып, мұрынмен дем шығару;

- Мұрынмен дем алып , ауызбен дем шығару ;

3 . Қасқырдың тапсырмасы . Артикуляциялық жаттығулыр жасау

Ерінге арналған жаттығулар: «Сусиыр» (ауызды кең ашып, жабу) «Бақаның күлкісі» (тістерді көрсетіп, жымию ),« Пілдің тұмсығы» (ерінді алға қарай созып, у - у - у деп айту); Тілге арналған жаттығулар: «Қамыр илейік» жаттығуы Жымия отырып, тілді ауыздан шығарып, ерінмен ұрғылау керек және тісімізден тілді тістелейміз. Тілдің ұшынан, түбіне дейін және керісінше бағытта орындалады. 5 - 6 рет жасау керек. «Күлше» жаттығуы - Ауызды ашып, жалпақ тілді астыңғы ерінге бос орналастырып 5 - 10 сек. ұстап тұрамыз. « Желкенді қайық» жаттығуы - Ауызды кең ашып, тілдің ұшын созып, алдыңғы күрек тістің тістің түбіне қоямыз (қайықтың желкеніне ұқсатып).…