Ш дыбысын бекітуге арналған сабақ жоспары, 2 сынып

САБАҚТЫҢ ТАҚЫРЫБЫ: Ш дыбысын буында,сөзде,сөйлемде машықтандыру.

Қарағанды облысы, Шахтинск қаласы,

Әлихан Бөкейханов атындағы мектеп-лицей логопеді.

Ахметова Алмагуль Маратқызы

Сабақтың мақсаты:

«Ш» дыбысының артикуляциясын нақтылау, дыбысты буында, сөзде машықтандыру.

Міндеттері:

1. Білімділік: «Ш» дыбысын дұрыс айтуға үйрету. «Ш» дыбысын сөзде, сөйлемде дұрыс айтуға үйрету.

2. Дамытушылық: Зейінін, ойлауын, ауызша сөйлеу тілін дамыту, естіп қабылдауын дамыту.

3. Тәрбиелік: Түзу отыруға, өз ойын ұялмай жеткізуге тәрбиелеу..

Сабақ түрі: шағын топ.

Көрнекіліктер. Айна, «Ш»дыбысының артикуляциясы, артикуляциялық жаттығулардың белгі суреттері;смайликтер; кеспе сөздер, суреттер, карточкалар.

Сабақтың барысы:

І. Ұйымдастырушылық кезең.

Қайырлы күн оқушылар! Бүгінгі тақырыбымызды талқыламас бұрын, бір шумақ өлең жолдарын оқып берейін, сіздер қандай дыбыс туралы айтқанымды шешесіздер!

Шоршиды шортан, шорағай,

Шабақ аулап шағала.

Шегіртке қуып Шорабай,

Шапқылар шилі жағада.

Қандай дыбыс туралы оқушылар дұрыс жауабын айтқан соң, баріміз бір тағыда қайталаймыз. Өлең жолдарында әрине «Ш» дыбысы жиі қайталанып тұрғандықтан бүгінгі тақырыбымыз «Ш» дыбысын буында, сөзде, сөйлемде машықтандыру.

«Ш» дыбысын буында машықтандыру.

Ш дыбысы бар сөздерді буынға бөліп оқимыз.

ША-ША-ША Шағала,

ШӨ-ШӨ-ШӨ Шөже.

ШЫ-ШЫ-ШЫ Шырша.

ШУ-ШУ-ШУ Шулама

ІІ. Артикуляциялық жаттығулар.

Артикуляциялық жаттығулар,айнаны алып жаттығуларды жасаймыз.

«Ш» дыбысын дыбыстаған кезде, ерін аздап дөңгеленіп, алға қарай шығыңқы келеді. Тілдің ұшы үстіге қарай көтеріледі. Алақанды ауызға жақындатканында жылы дем сезіледі.

Дыбыстарды нақты және әдемі дыбыстау үшін біз жаттығулар орындаймыз.

Мысалы: «Сағат», «Тіс тазалау», «Алтыбақан», «Тәтті тосап», «Кесе».

ІІІ. «Ш» дыбысын сөзде, сөйлемде машықтандыру.

Балалар тақтада көрсетілген тірек сөздер арқылы сөйлем құрайды.Әрбір құралған сөйлем үшін логопед оқушыларға көңіл-күй білдіретін смайликтерді көрсетеді.

Паша,шар,машина.

Паша,шай,шұжық.

Паша, шарық, қарындаш.

Паша,күртеше,шұлық.

IV.Тыныс алу жаттығулары.

«Допты қақпаға соқ»

* Допты ал.

* Футбол қақпасының алдына қой.

* Допты қақпаға жаймен үрлеп соқ.

* Енді бар деміңмен қатты үрлеп соқ.

* Қанша гол соқтың, сана.

«Жапырақты ұшыр»

Терең тыныс алып, аузыңмен дем шығару арқылы жыпырақты үрлеп ұшыр.

«Қарды үрле»