Шағын орталықтағы Жомарт күз музыкалық сабағы

Ұйымдастырылған оқу қызметінің технокартасы

Күні: 19.10.2018 Тобы: Ересектер «Еркетай» Білім беру саласы: Шығармашылық Оқу қызмет түрі: Музыка Оқу қызмет тақырыбы: «Жомарт күз» Мақсаты: Күй тыңдау арқылы ой-сезіміне әсер етіп, эстетикалық талғампаздығын қалыптастыру. Күй туралы, күйші Тәттімбет туралы мәлімет беру, түсіндіру. Ұлттық би элементтерін үйретуді жалғастыру. Қолданылатын көрнекі құралдар: Күзгі жайлауды бейнелейтін суреттер, слайдтар, көрмелер. Қажетті құрал жабдықтар: Домбыра, қобыз, күйсандық. Алдын ала орындалатын жұмыс: «Жомарт күз» тақырыбына әңгімелесу. Тақпақ-өлендер, жаңылтпаш, жұмбақтар жаттау. Сөздік жұмысы: Шертпе күй, жомарт күз, тұмарша, сабандоз.

Оқу іс- әреке т кезең і

Саз жетекшінің іс - әрекеті Балалардың іс - әрекеті

Мотивациялық-қозғаушылық

«Қазақ маршы» (А.Затаевич) ойналып балаларға марш екпінін сезіне шеңбер бойымен жүруді ұсынады Күй тыңдап тамаша, Әуенге ілесіп, Түрленіп, иіліп, Билейік жараса! «Қазақ биі» (Л.Мусин) әуеніне би қимылдарын үйретеді. Ұлдарға «шабандоз», қыздарға «тұмарша», «тарақ» би элементтерін үйретеді. Ауыспалы адыммен жүргендерін, тұлғаларын түзу ұстауларын қадағалайды. Алтын, сары, қызыл, көк, Алуан-алуан жапырақ. Күзгі бақта күлімдеп, Көз тартады атырап. Балалар, сендерді күзгі жапырақтармен билеуге шақырамын. «Күзгі жапырақтар» биі қайталанып, жалғасы көрсетіліп, үйретіледі.

Балалар шеңбер бойымен нық баса адымдап жүреді. Ұлдар «шабандоз» қимылын көрсетеді. Қыздар «тұмарша» (қолдары бастан жоғары көтеріліп, алақандары түйіседі), «тарақ» би элементтерін үйренеді. Тізелері бүгіліп, басты оңға, солға бұрады.

Балалар жапырақтарды алып, үйренген би қимылдарын қайталайды. Жаңа би қимылдарын еске сақтайды.