Шәкәрімге хат тақырыбындағы эссе үлгісі

Шәкәрімге хат

Адам шыр етіп, дүниеге келгеннен бастап, оны - әлем бесігі тербетеді. Бұл үлкен қуаныш, бақыт. Біздің бүкіл өміріміз сол әлеммен тығыз байланыста болады. Әлем – ол дархан, кең, құдіретті. Адам сезімі, түйсігі, ақылы арқылы өзі қоршаған әлемді, танып біледі. Әр адам өзінің ойлау қабілетіне сәйкес ішкі әлемін қалыптастырады.

Адамның рухани даму жолындағы талпынысы күшті болса көзқарасы мен ойлау деңгейі күшті болады. Өз әлемімізде дұрыс қалыптасады.

Күнделікті өміріміздің көркі біздің рухани адамгершілік қасиеттер - достық, сүйіспеншілік, адал еңбек, мінсіз ақыл, таза жүрек, айналамызға деген дұрыс қарым – қатынаста екен.

Біз өмір сүріп отырған әлем – әдемі әлем. Әдемі әлемге –ойдың әсемдігі қажет.Әсем ойдың негізін еліміздің сан ғасырлық өзіндік орны бар, халқымыздың даналығын білдіретін ірі тарихи тұлға ақын, жазушы, философ, тарихшы Шәкәрім Құдайбердіұлының ізгілік, таным жолдарынан көруге болады. Себебі, менің ұстаздық жолымдағы басты мақсатым ұрпақ тәрбиесі. Алдымызда отырған еліміздің ертеңі, жарық жұлдыздары, алтындай шәкірт бойына күнделікті өмірде кездесетін қарапайым адамгершілік қасиеттерді дамыту.

Ардақты Шәкәрім Құдайбердіұлы! Сіздің ізгілік жолындағы жасаған кемеңгерлік дана ойларыңызды ықыласпен сүйсіне оқып, көңіл аудардым. Ұрпағыңызға ғибрат етіп қалдырған мұраларыңыз өте көп. Абай атамыздың «Өлді деуге бола ма, ойлаңдаршы,өлмейтұғын артында із қалдырған»-деген өлең жолдары текке айтылмаған шығар.

...Өз заманым үшін жазғам жоқ. Келер дәуірдің адамы үшін жаздым.», - деп қазақ халқының болашағы үшін, келешек ұрпақтың ойын ашайын деп аянбай еңбек еттіңіз. Осы ұлы шығармаларыңыздың ішінен болашақтың кілті рухани – адамгершілік тәрбиеде екенін мына «Талап пен ақыл» деген өлең жолдарынан көруімізге болады.

«Сабыр, сақтық, ой, талап болмаған жан,

Анық төмен болмай ма хайуаннан.

Ынсап, рахым, ар, ұят табылмаса

Өлген артық дүниені былғағаннан - деген даналық сөздерден тұжырым жасап адам бойында ең бірінші адамгершілік қасиет болу керек екенін ұғындым.

Адам жанын тыныштыққа шақыратын ойлы шығармаларыңыз біз үшін үлкен құндылық.

ОҚО, Қазығұрт ауданы,

«Комсомол» жом.

«өзін-өзі тану» пәнінің мұғалімі

Акжолова Балнур Куандыковна