Шәкірті көп ұстаз тақырыбындағы мақала

Шәкірті көп ұстаз.

Адам баласы саналы ғұмырында өмірдің қыры мен сырын танып,мағыналы ғұмыр кешуі үшін білімді де парасатты болуы керек. Ал білім болмай ,әркімде ештеңенің байыбына бара алмайды. Тек білім ғана көздеген мақсатымызға жеткізеді. Халқымыздағы «Құсты қанат,адамды талап ұшырады » деген сөзі осының дәлелі.

Ғұмырының 50жылын білім саласына арнаған Шанықұл Ноғайбаевтай ұстазды ауыл,аудан көлемінде білмейтін жан жоқ болар сірә?! Оқушыларды азамат етіп тәрбиелеу, оның жаны мен жүрегіне жылылық ұялатып, дүниетанымдық күшін қалыптастыру мен дамыту мәселелеріне ерекше көңіл бөлуді бәріненде жоғары санайтын Шанықұл ағайдың ұстаздық жолы бүгінгі ұстаздарға үлкен өнеге, зор тәжірибе.

Жоғары оқу орнын бітіріп келген соң ауыл мектебінде алғашқы еңбек жолын бастаған ағай сол кездегі білім саласындағы қиыншылықтарды көзімен көріп жеңе білді. Басшылық қызметті қолға алған соң кадр тапшылығын, материалдық-техникалық базаның төмендігін, оқу-құралдарының жетіспеушілігін, шалғай жердегі ауыл балаларының интернатқа жатып оқуларын оңынан шеше бастады. Жас болсада білімнің оқушыларға жете берілуіне көп көңіл бөлді. Осындай ынтасын, күш –жігерін байқаған аудан басшылары жас ұстазға аудандық білім бөлімін басқару жұмысын тапсырады. Міне осыдан бастап ағайдың нағыз ұстаздық-басшылық жұмысы басталады. Ауданның әр мектебінің білім сапасына , тәрбие жұмысына қатты көңіл бөлген ағай әр ұстаздан үлкен жауапкешілікті талап етті. Кейіннен өзі де мектеп басшысы болған кезде ұжымның мұғалімдеріне үлгі болды. Математика пәнінен дәріс беретін ағай өз сабағын ешқашан бос қалдырған емес. Әр сабағына ерекше мән беретін ағай осындай адалдығымен үлгі еді. «Адамның адамгершілігі жақсы ұстаздан болады » деп ұлы ақын Абай атамыз айтқандай бүгінде менде ағаймен әріптес болғанымды мақтан етемін. Ағайдан көп тағлым,білім, өнеге алдым. Ол кісінің өз пәніне деген сүйіспеншілігі, бар жанымен оқушыны

Жарты ғасырға жуық білім саласындағы еңбегі еленіп, үлкен жетістіктерге жетті. Жоғары санатты математика пәні мұғалімі, «ҚР халық ағарту ісінің үздігі» төсбелгісінің , «Еңбек ардагері» медальінің, «Қызылқоға ауданының Құрметті азаматы» атағының, ҚР Білім және ғылым министрінің «Құрмет грамотасының» иегері. Жүздеген шәкіртерінің сүйікті ұстазы, ұстаздардың тәлімгері,ұстаздардың ұстазы, ардагер ұстаз.