Шалғын өсімдіктері мен жануарлары бойынша 4-сынып ашық сабағы

Сабақтың тақырыбы: Шалғын өсімдіктері мен жануарлары.

Сабақтың мақсаты: Шалғын және ондағы өсімдіктер мен жануарлар әлемі туралы түсініктерін қалыптастыру. Ойлау, сөйлеу, шығармашылық қаблеттерін дамыту. Табиғатты қорғауға баулу.

Сабақтың түрі: жұптық, топтық жұмыс.

Сабақтың әдісі: сұрақ-жауап, түсіндіру, талдау-жинақтау

Сабақтың көрнекілігі: суреттер

Сабақ барысы:

Ұйымдастыру

Психологиялық ахуал:

Қайырлы күн достарым!

Қайырлы күн құрбым!

Сенбі күнің бүгін

Сәттілікке толсын!

Бүгін алған бағаң

Кілең бестік болсын

Үй тапсырмасы: «Мозайка» ойыны арқылы тексеру.

1.Шалғынды жер дегеніміз қандай жер? 2.Шалғындар қандай жерлерде кездеседі ? 3. Шалғында қандай өсімдіктер өседі? 4. Ал, шалғында қандай тіршілік иелері болады? 5.Ірі аңдар болмайды, себебі не? 6.Шалғында өсетін өсімдік түрлері өте көп, себебі неде?

Жаңа сабақты ертегімен ашу:

Ертегі:

Ерте, ерте, ертеде ме, бәлкім осы күндері ме. Кең даланың төрінде, дүниетану жерінде, шалғын деген бір қария өмір сүріпті. Қарияның – қоңыраугүл, гүлкекірек, қалампыр, сарғалдақ, әсем деген қыздары мен қоянбек, тықшанбек, бөденеғали, шегірткеғали және көртышқанбек деген ұлдары болыпты. Олар кең далада емін еркін тату-тәтті өмір сүріпті. Қарияның қыздар көктем шыққанда құлпырып, ұлдар қорек жинау шаруашылығына кіріседі екен.

Сұрақ қою: Бұл ертегі не туралы деп ойлайсыңдар? Оны қайдан білдіңдер?

Жаңа сабақтың тақырыбы мен мақсатын айту.

Дәптерге, тақтаға жазады.

Оқулықпен жұмыс. 50 беттегі «Шалғын өсімдіктері мен жануарлары» мәтіні.

Мәтінді барлығы іштей оқып шығады. Мәтіннен шалғын өсімдіктері мен жануарларын, жәндіктерін топтастырады.

Жұппен жұмыс: Оқығандарын бір-біріне түсіндіру.

№1. Тапсырма беру: Постермен жұмыс.

1 топ:Шалғын өсімдіктері.

2 топ: Шалғын жануарлары мен жәндіктері.

3-топ: Адамдар шалғынды не үшін пайдаланады?

4- топ: Шалғынды қорғаудың жолдарын ата

Сергіту сәті: «Аяқпенен топ-топ».

№2. Тапсырма беру: «Бетпе- бет» әдісі.

Әр топ бір-бір сұрақ дайындайды және өз топтарының шінен бір тілшіні тағайындайды. Тілші «Тіліші» ретінде басқа топқа сұрағын қояды.

Мыс: Бірінші тілші өзін таныстырады. Екінші қай телеарнадан екенін айтады да сұрағын қояды.

1топтың сұрағы: Бөденелер шалғында неге көп болады деп ойлайсыздар?

Себебі, ол жерде азық көп.

Ол өз жауларынан тығылады.

Бөдене өсімдік тұқымымен және жәндіктермен қоректенеді.

2 топтың сұрағы: Шырмауық не себепті шырмалып өседі деп ойлайсыздар?

Аты айтып тұрғандай шырмалып өсетіндіктен.

Себебі, ұзын болып өсетіндіктен шығар.

Жоғары өрмелеп өсуінен болар.