Шаршы шеңбер және үшбұрыш ашық сабағы

Шаршы, шеңбер және үшбұрыш!

Білім беру саласы: Таным

Мақсаты: Балаларды геометриялық пішіндермен таныстыру. Олардың пішіндерінің бір – біріне ұқсас және айырмашылықтарын түсіндіру. Айналадағы заттардың пішіндерін анықтауды бекіту. Зеректік пен адамгершілік және шапшаңдыққа тәрбиелеу.

Шаттық шеңбер:

Арайлап таң атты,

Алтын сәуле таратты.

Жарқырайды күніміз,

Жарқырайды даламыз.

Қайырлы таң, балалар!

Қайырлы таң, апайлар!

– Балалар, бізге бүгін көп қонақтар келген екен. Олай болса, біз амандасып алайық!

– Сәлеметсіздер ме?

– Қош келдіңдер, бізде бүгін өте көңілді оқу қызметі болмақ.

Оқу қызметінің тақырыбы: ” Шаршы, шеңбер және үшбұрыш” деп аталады.

Балалар бізде қазір қандай мезгіл?

Көктем мезгілі. (балалардың жауабы)

Көктем мезгілінде неше ай бар екен?

Үш ай бар? (балалардың жауабы)

Балалар енді айтайықшы көктем мезгілінде ауы – райы қандай болады?

Күн жылына бастайды,құстар жылы жаққа ұшып келеді,жер көгереді.(балалардың жауабы)

Дұрыс айтасыңдар балалар, жарайсыңдар.

Балалар, енді апта күндерін атап өтейікші.

Дүйсенбі,Сейсенбі,Сәрсенбі,Бейсенбі,Жұма,Сенбі, Жексенбі.(балалардың жауабы)

Бүгін аптаның қай күні балалар.

Дүйсенбі күні. (балалардың жауабы)

Ғажайып сәт. Есік соғылып, ішке аю Қонжық кіреді. Балалармен амандасады.

Тәрбиеші: Кәне, балалар қонжық амандасайық.

Балалар: Сәлеметсіз бе?

Қонжық: Балалар, менің үйшігім кеше дауылдан бұзылып қалды. Мен енді қайда паналарымды білмей жүрмін. Үйшігімді қалай тұрғызарымды да, білмей тұрмын. Маған көмектесесіңдер ме?

Балалар: -Иә, көмектесеміз!

Тәрбиеші: Қонжық, біз бүгін пішіндер туралы өтіп жатырмыз. Сол пішіндер арқылы үйшікті тұрғызу өте оңайға соғады. Біз сізге көмектесуге дайынбыз.

Тәрбиеші: Балалар, біз өткен оқу іс-әрекетінде не туралы өткен болатынбыз?

Тәрбиеші: Биік – аласа, ұзын – қысқа, яғни шамаларды өткен болатынбыз. Олай болса мына суреттер арқылы өткен оқу қызметімізді пысықтай өтелік.

– Ұзын мойынорағыш.

– Қысқа мойынорағыш.

– Мынау ше?

– Биік үй.

– Аласа үй.

– Ал, балалар бүгін мына пішіндермен танысалық. Балалар кәне кім пішіндер туралы тақпақтар біледі?

Ақбаян: Балалар, маған қараңдар,

Шаршы мырза мен болам.

Енім, ұзындығым, биіктігім

Қабырғаларым да тең менің.

Құралай: Радиусыммен мені өлшейді,

Мен шеңбермін, не керек.

Жер шарындай шеңбермін

Күн де, ай да дөңгелек.

– Балалар, мына пішінді шаршы деп атаймыз. Қане, қайталаңдаршы ?

– Шаршы.

– Балалар “Шаршы” деген төрт қабырғалары, биіктігі, ені мен ұзындықтары бірдей пішінді айтамыз. Оларды қалай теңестірсек те тең болады. Олардың бұрыштарын беттестірсек үшбұрыш болады.