Шет тілін үйренудегі мәселелер туралы әдістемелік мақала

Шет тілін үйрену барысындағы проблемалық мәселелер.

Жаңа уақыт, кәсіби іс-әрекеттің жаңа талаптары, жалпы методологияға қоса, шет тілін үйрену барысындағы әдіс-тәсілдер мен нақты әдістемелерге де өзгерістер енгізуді талап етуде. Ақпараттық қоғам негізінде білім мен біліктілік адам өміріндегі құндылықтардың бірі болып, табылады. Білікті маман үшін бір тілді білу қазіргі қоғамда жеткіліксіз. Қазіргі маман өзінің саласы бойынша әлемдегі болып жатқан өзгерістерден, жаңалықтардан хабардар болу керек. Сол себептен ЮНЕСКО болашақ ғасырды полиглоттар ғасыры ретінде анықтап отыр. Осының негізінде шет тілін үйренудің маңызы өсіп, коммуникативті құзырлықтың қалыптасуына әсер етеді.

Шет тілін қарым-қатынас құралы ретінде үйрену жолдары соңғы кезде өзекті мәселеге айналды. Қазіргі кезде жеке тұлғаға бағытталып, оның потенциалды мүмкіншіліктерінің, ой-өрісінің, парасатының, адамгершілік қағидаларының және рухани дамуын, әр мәселеге сын көзбен қарау жүйесін қалыптастыруға бағытталған оқу түрлері кең тарай бастады. Оқудың осындай түрлеріне коммуникативті және жеке тұлғаға бағытталған бағыттар жатады.

Коммуникативті мүмкіншіліктерді жоғарғы деңгейде дамыту шет тілі оқытушыларының алдында тұрған негізгі, дәлме-дәл сонымен қоса өте күрделі мәселе оның шешімін табу үшін бір жағынан оқу іс-әрекетінің барлық түрлерінбірдей дамытуға арналғанжаңа әдіс-тәсілдерді меңгерумен қатар лингвистикалық құзырлықтарды қалыптастыру керек.

Екінші тұрғыдан қарастырғанда қарым-қатынас жасауды қарқынды түрде үйрететін жаңа оқу материалдарын ойлап табу керек. Бірақ жаңа әдіс – тәсілдерді қолдану барысында ескі әдіс-тәсілдерден мүлдем бас тартуға да болмайды. Олардың ішінен, уақыт сынынан өткен барлық пайдалы әдіс-тәсілдерді таңдап алу керек.

Адамдарды басқа тілдеқарым-қатынас жасауға, ой-пікірлерін анық және жүйелі түрде жеткізе алатынетіп, өз көзқарасын ашып айта алумен қатар, тілдік қарым-қатынасқа түсіп отырғанадамды тыңдаптүсіне алуға баулу тілдік қарым-қатынастың тек қана вербальды процесс емес екенін ескерген жағдайда ғана қарқынды болмақ.

Тіл үйренудің нәтижелі болуы тіл білуден басқа қарым-қатынас мәдениеті, жағдайы, ситуациялық тіл этикетінің ережелерін білуі, тілдік қарым-қатынас барысында ойды жеткізудің вербальды емес түрлерін білу, білім қорының жеткілікті болуы сияқты көптеген факторларға байланысты болады.

Шет тілін үйретудің мәселелерін жаңа тұрғыдан қарау барысында, мәдениет аралық қарым-қатынас, коммуникативті құзырлықтың қалыптасуы, оқудың мәдениеттік компонент жүйесінде болуы анықталды. Тілді мәдениеттен бөлек қарастыра алмаймыз. Ол дегеніміз біздің өмір сүру дағдымызды сипаттайтын практикалық дағдылар мен идеялардың жиынтығын бойымызға сіңірмей тіл үйрену мүмкін емес.