Шөл өсімдіктері мен жануарлары ашық сабақ жоспары

Сабақтың тақырыбы: Шөл өсімдіктері мен жануарларыСабақтың мақсаты: Шөл өсімдіктері мен жануарларының климатына қарай бейімделетінін ұғындыру. Шөлді жер табиғатының ерекшелігін анықтау арқылы білімдерін жүйелеу. Табиғатқа, туған жерге деген жанашырлық пен сүйіспеншілікке тәрбиелеу.Сабақ түрі: жаңа сабақӘдісі: түсіндіру,СТО, көрнекілік, сұрақ - жауап, топпен жұмыс, талдау, жинақтау

Көрнекілігі: суреттер, слайд, Bilimland -видео, жіп, постер, маркерлер, ҚР физикалық картасы

Сабақтың барысы:

І. Шаттық шеңбері: Жүрек жылуы

/қолдарынан ұстап, 1 оқушы сәттілік тілеу/

ІІ. Үй тапсырмасын тексеру: «Өрмекшінің торы» Үйге берілген «Дала жануарлары мен өсімдіктері» тақырыбы бойынша бір біріне жіпті лақтыру арқылы сұрақ қойып, жауап алу.

-Топқа бөліну: бас, жүрек, қол. /сурет таңдау

ІІІ. Ой қозғау. «4 сурет - 1 сөз» ойыны

Ол 40 - 50 шақырым жолды су ішпей, шөп жемей – ақ жүріп өтеді. Ащы, тікен шөптерді жейді. 45 күнге дейін су ішпей жүре алады./түйе

Ол кенге жатпайтын пайдалы қазба. Оның ақ, сары, қоңыр, қара, қызыл түстері болады екен. Оны құрылысқа қолданады. /құм/

Ол –құрғақшылыққа төзімді өсімдік. Тамыры ұзын 20-30 метрге жетеді. Оны түйе сүйсініп жейді. /жантақ/

Бұл өсімдікте құрғақшылықты жақсы көреді. Көпшілік түрінің сабағы сүтті, шырынды болады. Бірақ мал оны жемейді. Өйткені өте улы өсімдік. /сүттіген/

Жауабы: 4 суретті байланыстыратын сөз - ШӨЛ.

Болжау әдісі:Шөл дегенде көз алдарыңа қандай дала елестейді?

Шөлде қандай жануарлар мен өсімдіктер болады деп ойлайсыздар?

*Үш тілге аудару: шөл – пустыня – desert

*Ауа-райын бақылау: бақылау күнделігіне шартты белгілермен жазу.

ІV. Жаңа сабақ:

«Bilimland» (Шөл өсімдіктері мен жануарлары)-Видео бойынша бақылау тапсырмаларын беру:

І топ: Шөл өсімдіктерін бақылау.

ІІ топ: Шөл жануарларын бақылау.

ІІІ топ: Шөл түрлерін анықтау.

Картамен жұмыс: ҚР шөлді жерлерді картадан көрсету.

(Каспий теңізінен Тарбағатай тауына дейін созылып жатыр)

-Оқулықпен жұмыс. Мәтінді 3 бөлікке бөлу.

І топ: «Шөл ... ...Неге екенін түсіндір.» дейін

ІІ топ: «Сексеуіл ... ...таптырмайтын азық.» дейін

ІІІ топ: «Шөл жануарлары ... ...аяғына дейін - /Әр топ іштей оқып шығу. /