Шуағын төккен төрт көктем сыныптан тыс жұмысы, 4-сынып

Тақырыбы: Шуағын төккен төрт көктем!

Көрініс: Ролик:

Назерке көңілсіз отырады. Қасына Айнұр мен Айкөркем келеді.

Айнұр: Назерке неге көңілсіз отырсың?

Назерке: Білесіңдер ме, қыздар, бүгін көңілім алай-дүлей. Бүгін бастауышпен қоштасамыз. Уақыт қандай жылдам еді. Ләззат апаймен қоштасамыз. Мына әдемі сыныппен қоштасамыз. Қоштасу деген қандай жаман а?

Айкөркем: Иә, расында да 4 жыл қалай өте шыққан? Менің әлі есімде ең алғаш мектепке келгенім. Сыныпта тек 2 бала ғана отырдық. Апай мені ең бірінші партаға отырғызып қойған. Ішімнен ойлап қоямын. Тек екеуміз оқимыз бе екен деп.

Айнұр: Ой қыздар, ол күн менің де есімне кетпейді. Ең бірінші келген күні үйге кеткім келіп жылағым келіп отырып едім. Бірақ Ләззат апай « қандай әдемі егіз қыздар! Жақсы болды тағы да егіздерді оқытатын болдым» деп басымнан сипағанда қуанып кеткем.

Гүлнұр: Айта берсең қызық көп. Сол 4 жыл бойы басымыздан өткен қызықты күндерімізді, үйренген өнер-білімімізді өзіміз ғана айтып отырмайық. Жүрейік қыздар. Басқа оқушылар келген шығар.

4 қыз есіктен кіреді. Алдынан Балғынбек пен Есет жүгіріп шығады.

Балғынбек: Қайда жүрсіңдер шулап. Осы сендер де бір у-шу боп келіп болмайсыңдар. Жүріңдер тез.

Есет: Бүгінше апайды ренжітпейік, Кешімізді бастайық. Қонақтар күтіп қалды..

Барысы: Өлең оқылады.

Байқамаппыз біз тіптен , Уақыт мынау тез өткен, Есімде мәңгі қаласың, Шуағын төккен төрт көктем!

Би. Вальс. «Құстар қайтып барады»

Айбала: Бала шаққа болашақты жырлатып, Шәкірттерге ой түзетін сымбатты. Күн нұрындай сәуле құйған көңілге Армысыздар ұстаздарым, қымбатты! Бекзат: Армысыздар, әжелер мен аналар, Ұрпағыңыз күнде өзіңнен бата алар. Ел дәстүрін мәңгі сыйлап оқы деп, Үйреткен ғой Абай, Ыбырай бабалар

Гүлнұр

Армысыздар өр тұлғалы әкелер, Қыран құстай балапанын мәпелер. Бүгін міне бастауышпен қоштасады, Азамат боп, кешегі сәби – еркелер.Нұрбек: Армысың сен, алтын ұя мектебім, Саған айтар жыр алғысым көп менің. Жүректерге жаққан білім шырағым, Мектебіме арналады бұл әнім.

Айбала: Олай болса, құрметті қонақтар! Өткен күндерге шегініс жасап, қызыққа толы бала күндеріміздің естеліктеріне бір шолу жасап өтейік! Экранға назар аударыңыздар!

Бейне ролик.

Айнұр: Құрметті көрермендер! Көбісі біздің 4-сыныпты орысшалап «шумный класс» дейді» екен. Оның сыры неде екенін білесіздер ма? Өйткені, бірінші сыныпқа келгенімізде Ләззат…