Шығарманың көркемдік бейнесімен жұмыс ашық сабағы

Ашық сабақ

Оқушы: Балғабаева Дилназ

Сынып: 6

Мамандығы: домбыра

Оқытушы: Мәжит Ә.М.

Сабақтың тақырыбы: Шығарманың көркемдік бейнесімен жұмыс.

Сабақтың мақсаты: Музыкалық шығарманың мәнерлі орындау мен көркем бейнесін ашу.

Білімділік: Музыкалық тілдің мәнерлігімен жұмыс және орындаудағы қиындықтар меңгерту. Музыкалық шығарманы талдап, жинақтап, орындау шеберлігінің қорытындысында деңгейге жету жұмысын қалыптастыру.

Дамытушылық: Оқушының бейнелі әсерінің көмегімен орындау шеберлігін арттыру және шығарманы өз бетінше орындауға дайындау.

Тәрбиелік: Қазақ халқының күйлері шығу тарихын насихаттау және өзге де халықтардың музыкасына құрметпен қарауға тәрбиелеу.

Сабақтың әдіс-тәсілі: Түсіндіру,тыңдату, ойнап көрсету, сұрақ-жауап, білім алушының қабылдау қабілетін қадағалау.

Сабақтың формасы: жеке

Сабақтың түрі: жаңа сабақ.

Көрнекіліктер: оқулықтар, домбыра, ноутбук, фортепиано.

Қолданылатын әдебиеттер:

Л.Саухумова «Хрестоматия музыка мектебінің 4-сыныбына арналған

Құрманғазы күйлері кітабы.

А.Жайымов. С.Бүркітов «Домбыра үйрену мектебі»

Сабақтың барысы

Мұғалімнің іс-әрекеті

Оқушының іс-әрекеті

Ұйымдастыру кезеңі

Оқушының сабаққа әзірлігін тексеру, назарын сабаққа аудару.

Психологиялық дайындық.

Оқушы күнделігін, нота дәптерін алып, қолына домбыра аспабын алып, орындыққа отырады.

Кіріспе кезеңі

Аспап құлақ күйін келтіру.

Қол жүргізуге арналған жаттығу ойнау.

Х.Тастанов «Этюд» Аппликатураға және таза дыбыс беруін қадағалау.

-Мәнерлеп, көркем бейнесін ашып орындау қалай түсінесің?

-Ал, музыканың мазмұнын, манерлеп орындау деген не?

Жаттығуды аспапта 2 рет орындайды.

Сураққа жауап беруге талпынады.

Жаңа сабақ.

- Адам баласының сезім мүшесімен түрлі дыбыс қасиеттерін тыңдап, олардың бірінен-бірі ажырата білетін бойға біткен ерекше дарындылығы бар. Музыканы тыңдап түсіне білетін адамдарға музыка өз сырын ашып, өмірді терең түсініп, халықтың ой-пікірін білдіруге жәрдемін тигізеді. Музыка өмірдегі адамның ішкі дүниесін танытып, адамдарды ұйымшылдыққа, бірлестікке шақырып, оларды алға қойған міндетін жеңіп шығуға жігерлендіреді.

Әрбір композитор музыканың жазылу, оқылу және тыңдалу заңдарын еске ала отырып, өзінше түрлі бейнелер жасайтыны мәлім. Жоғарыда айтқандай, музыканы тыңдап үйрену үшін оның әуезді, мәнерлі үн беретін заңдарын білген жөн. Музыканың негізгі әсемдік үн беретін көркемдік қасиеттерін айтар болсақ, олар мыналар: мелодия, гармония (көп дауыстық), ырғақ, өлшем, екпін (шапшаңдық), регистр (дыбыстардың жоғары, төменділігі), тембр (дыбыс әсемділігі, бояуы), фактура, тональность(мақам), интервал…