Шындық шыңы тақырыбына арналған 7-сынып тәрбие сағаты

Шындық шыңы – ақиқат

Мақсаты: оқушылардың шындық туралы өткен сабақта алған білімдерін жалғастыру, ақиқаттың құндылық ретіндегі мәнін ұғындыру.

Міндеттері:

– адами қарым-қатынастағы бүкпесіз шынайылық, қоршаған ортадағы шындық пен ақиқат туралы түсінік беру ;

– оқушылардың шындықты жасырмай айта алу, өтірік пен шындықтың ара-жігін дұрыс ажырата білу біліктіліктерін дамытуға ықпал ету;

– оқушыларды шыншылдыққа, адалдыққа, шынайылыққа тәрбиелеу.

Шаттық шеңбері:

– Сәлеметсіздер ме, балалар. Мен сіздермен өзін-өзі тану сабағында кездескеніме қуаныштымын.

Келші , досым, айналайын,

Құшақтайын, аймалайын.

Балалар бір-бірімен амандасқаннан кейін, шындық пен ақиқатты білдіретін мағыналас сөздерді кезекпен айтады. (адалдық, әділдік, бетке айту, тура сөйлеу т. б)

Әңгімелесу

Қандай қасиеттер адамды ақиқатқа жетелейді?

Адам ақиқатқа не үшін талпынады?

Әр нәрсенің ақиқатына жету үшін көп іздену, көп ойлану керектігі баса айтылады.

Адамгершіліктен туындап, әділдікке ұласқан шындықтан көп нәрсенің ақиқатына көз жеткізуге болады. Ақиқат- адам түсінігінің өмір шындығымен сәйкестігі болғандықтан оның көтерер жүгі де ауыр. Ақиқатты іздеген адам көп нәрседен хабардар болуы керек. Ақыл мен ақиқатқа сенген адам мақсатына жетіп, өмірден өз орнын табады.

Мәтінмен жұмыс

Қ. Толыбаев «Ақиқат»

Шәкірттер не туралы пікір таластырып қалды?

Олар неліктен бір тоқтамға келе алмады?

Ғұлама ақиқатты қалай түсіндірді?

Сергіту сәті

Шындық! Сенен қалмаймын,

Көлеңкең боп өтемін.

Үзілгенді жалғаймын,

Үрлеп ойдың от-емін.

Шындық! Сені іздеймін…

Шарлап көктің көлемін.

Тусаң – бірге туамын,

Өлсең – бірге өлемін.

Н. Оразалин

Дәйексөз

«Әділ болсаң – қараға – ақ, аққа жақ,

Ұрпақтарың жақсы атыңды сақтамақ!»

Жүсіп Баласағұни

«Ақиқаттың ең сенімді белгісі – қарапайымдылық пен ашықтық.

Жалғандық әрқашан қиын, түсініксіз және көпсөзді болады».

Л