Шындық шыңы ақиқат 6 сынып сабақ жоспары

Өзiн-өзi тану сабағының жоспары

Мектеп: №8 орта мектебі Мерзiмі:

Тақырыбы: Шындық шыңы - ақиқат. Сабақ: №27

Мұғалiмі: Бегалиева М.О Класс: 6 «в» Оқушылар саны: 24

Құндылық:Ішкі тыныштық. Қасиеттер: сабырлылық, мейірімділік,шыдамдылық

Сабақ мақсаты:Оқушыларға шындық шыңы – ақиқаттың не екенін түсіндіре отырып , жалпыадамзаттық Ішкі тыныштық құндылығының мәнін ашу.

Міндеттері:

- оқушыларға сабырлылықтың маңызды екенін түсіндіру;

-оқушылардың бойында мейірімділік қасиетін дамыту; -оқушыларды шыдамдылыққа тәрбиелеу;

Ресурстар: Үнтаспа, оқулық, дәптер

Сабақ барысы:

Ұйымдастырукезеңi. – 5 «Т»

1. Тәртіп + Сүйіспеншілік

2. Талап

3. Тыныштық

4. Тазалық

5. Татулық

Тыныштық сәті(Нұрға бөлену).

Ыңғайланып отырыңыздар, денелеріңізді түзу ұстаңыздар. Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан да баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге алып барады.

Одан әрі нұр сіздің аузыңызға, тіліңізге тарады. Тіліңіз тек шындықты ғана айтады. Нұрды құлақтарыңызға бағыттаңыз, құлақтарыңыз тек жақсы сөзді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға бағыттаңыз. Нұрды уақытша түсініспей жүрген адамдарға да бағыттаңыз, олардың да жүрегі нұрға толсын.

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Сиқырлы әуен «Хрустальная грусть»

(2,5мин)

Үй тапсырмасын тексеру.

№27сабақ 98-беттегі Қ.Толыбаевтың«Ақиқат» тақырыбындағы әңгімесін оқып келу.

Бір оқушы өз сөзімен әңгімелеп береді.

- Шәкірттер қандай сұраққа жауап іздеді?

- Кіммен ақылдасты?

- Әбунасыр қалай жауап берді?

- Ал жүрегіміз қай уақытта қуанышқа бөленеді?

- Қандай ойлар бізді жақсы әрекетке жетелейді?

- Қандай адам айналасына нұр шашады?

3.Дәйексөз.

Бақытты өмір ой тыныштығынан басталады.

Цицерон

Дәйексөздің мағынасын қалай түсінесіздер?

2 рет қыздар

2 рет ұлдар