Толағай спорттық сыныптан тыс шарасының жоспары

«Толағай»(отбасылық сайысы) Мақсаты: Балаларға денені шынықтырудың пайдасын, адамның дені сау сергек болуына көмектесетінін түсіндіру. Балалардың көтеріңкі көңіл - күйде болуын қалыптастыру, тепе - теңдікті сақтау, шынықтыру жаттығуларына, сайыстың шарттарына деген қызығушылықтарын арттыру.

Керекті құрал-жабдықтар: интерактивті тақта, қасық, кесе, шар, асықтар, шар, баклашка

Барысы:1- жүргізуші: Құрметті балалар, ата-аналар, қонақтар!

2-жүргізуші: Армысыздар спорт сүйер қауым!

1-жүргізуші:

Уа, халқым назар аудар денсаулыққа!Өмірде бақыттысың денің сау да.Денсаулық терең бақыт деген сөздіҚұр айтпаған ұлы Абай данамыз да!Халық біздің болашақ балаларымыз арыстандай айбаттылығымен, жолбарыстай тектілігімен ел тізгінін ұстайды деп болашақ жастарға үлкен сенім артады. Салауатты өмір сүру өз қолымызда.

2-жүргізуші:

Бүгін біздің «Толағай» отбасылық - спорттық сайысына қош келдіңіздер. Біздің балаларымыздың ата – аналары арасында спорттық жарыс өтпекші. Олардың бірге орындайтын спорттық өнерлерін көрсетуде жылдам, епті, ұйымшыл және көңілді екендіктерін көру қандай қуаныш. Біз мұндай отбасыларына сәт сапар тілейміз!

1-жүргізуші:

Әр таңды бақытпенен атырамыз,

Өнерді ой көгінде бақылаңыз.

Сайысқа қатысуға енді ортаға

Үлгілі де өнегелі,жылдам да шапшаң

Отбасыларымызды шақырамыз.

2-жүргізуші:

Сайысты бастамас бұрын біздің жетістіктерімізді бағалайтын әділқазылар алқасымен таныстыруға рұқсат етіңіздер.

Бастауыш сынып мұғалімі – Гүлбахрам Қайдарғалиқызы

Бейнелеу өнері пәнінің мұғалімі – Айдана Еркінқызы

Технология пәнінің мұғалімі – Гүлдәурен Ғұмарғалиқызы

1-жүргізуші:

Алдымен сайыс шарттарымен таныстырып өтейін.

Таныстыру

«Кім жылдам?» ойыны

«Кім епті?» ойыны

«Картоп егіп кел де, жинап ал»

«Арт терапия» ойыны

«Асық ату» ойыны

Капитандар сайысы (мимика)

2-жүргізуші:

Жарысымыздың І бөлімі бойынша әр топ өздерін таныстырып өтсін.

1-жүргізуші:

Жарысымыздың ІІ бөлімі «Кім жылдам?» ойыны деп аталады.

Шарты: отбасылардың алдында сыртында көкөніс жазылған төрт ыдыс беріледі. Белгі берілген кезде әр топ жүгіріп барып, өздеріне берілген көкөністі жинап салады. Сайыскерлер көкөністерді жолда жинап алуы керек. Қай топ ұқыпты тез жинап өз орнына барса, сол отбасы жеңген болып есептеледі.

2-жүргізуші:

Жарысымыздың келесі бөлімі «Кім епті?» ойыны деп аталады.

Шарты: Кедергілерден өтіп жүріп, бір үлкен қасық суды алып төкпей әкелу керек. Қай топ бірінші болса, сол жеңіске жетеді.

1-жүргізуші:

Салауатты өмір салтын қолдаймыз,

Жамандықтан жанымызды қорғаймыз.

Денсаулықты жанымызға серік қып

Болашаққа аманат қып жолдаймыз – дей келе жарысымыздың келесі бөлімі «Картоп егіп кел де, жинап ал»Шарты: Ойыншылардың алдында 10 кішкене шеңбер және топ басшының қолында дорбада 10картоп болады. белгі…