Сиқырлы бағдаршам ашық сабақ жоспары

Батыс Қазақстан облысы, Орал қаласы Х.Капанов атындағы ОХГ

Тәрбиеші: Кемешова Гульнара Уразгалиевна

Мақсаты: ойынды тәрбие құралы ретінде пайдаланып, бала сезімін кеңейтіп, тілін ұштастырып, жол ережесін жасына сай меңгерту. Көшеде жүру ережесін білу арқылы жолда жүру мәдениетін үйретіп, сақтыққа тәрбиелеу.

Көрнекілігі: рульдер, белгілер, жол белгілерінің суреттер, бағдаршам.

Тәрбиеші: Балалар, мен сендерге жұмбақ жасырайын:

Аяғы бар жүрмейді,

Аузы жоқ сөйлейді. (Бағдаршам)

Ғажайып сәт: Қонаққа бағдаршам келді. Қатты қағаздан жасалған бағдаршамның үлкен суреті.

Бағдаршамның қызметі қандай?

- Жол тәртібін реттеуші.

- Бағдаршам сендерге хат әкеліпті, ашып көрейік, не жазыпты?

Ойын бағдаршам құрайық.

Қызыл көзін ашқанда,

Сынық сүйем баспа алға.

Сары көзін ашқанда,

Қарап қалма аспанға.

Жасыл көзін ашқанда,

Өте бергін жасқанба.

Жүргізуші: Балалар жүргіншілер мынадай сұрақ қойыпты.

- Жүргіншілер қай жолмен жүру керек?

- Жиек жолмен жүреміз.

- Жиек жол болмағанда ше?

- Жер асты жолымен.

-Жолдың қай жағымен жүру керек?

- Оң қол жақпен жүреміз.

-Қоғамдық көліктерге қай жерден отырасыз?

- Аялдамадан отырамыз.

Тәрбиеші:- Өте жақсы, бағдаршамның берген сұрақтарына жауап беріңдер.

- Балалар бағдаршамға арнап тақпақтарымызды айтайық.

Әли:

Ашса кезек үш көзін,

Айтты деп ұқ үш сөзін,

Тоқта, сақтан, жол ашық.

Жүрме жолға таласып,

Қызыл көзін ашқанда,

Сынық сүйем баспа алға.

Еркеназ:

Мен көшеден өтерде,

Бағдаршамға қараймын.

Қоймаған ғой бекерге,

Жәрдемшісі ол талайдың.

Тәрбиеші:- Балалар, бағдаршам сендерге ойын әкеліпті.

«Белгілерді құрастыр және айтып бер».

Ойынның шарты: балалар алған жарты белгінің екіншісін тауып құрастырыңдар, содан кейін атап беруіңіз керек.

Жанатын бағдаршам ортаға шығады.

Қызыл көзін жағады. Оқушылар қозғалмай тұрады.

Сары көзін жағады. Балалар қол шапалақтайды.

Жасыл көзін жағады. Балалар орындарында тұрып жүреді. Балалар орындарында тұрып жүреді.

Қорытындылау: - Балалар, бүгін немен таныстық.

- Бағдаршаммен

- Бағдаршамның неше көзі бар?

- Үш көзі бар.

- Қандай қандай түсті шамдар?

- Қызыл, сары, жасыл.

- Көшелерден белгіге қарамай жүгіріп өтуге бола ма?

- Жоқ

- Ал, көшенің қай жерімен өтуге болады?

- Ала сызықты жерінен.