Сиқырлы пішіндер ашық оқу қызметі

Сиқырлы пішіндер

(ашық сабақ)

Мақсаты:Балалардың геометриялық пішіндер туралы түсініктерін кеңейту.

1.Білімділік:Ғарыш әлемі туралы түсінік беру. Балалардың геометриялық пішіндер туралы түсініктерін кеңейту.Математикалық білімдерін жетілдіру.

2.Дамытушылық:Балаларға бағыт бағдар бере отырып,топпен және өздіктерінен жұмыс істей білуге дағдыландыру.Есте сақтау қабілеттерін дамыту.

3.Тәрбиелік : Адамгершілікке, достыққа, білімділікке тәрбиелеу. Ұқыптылыққа , тиянақтылыққа баулу.

Сабақтың әдіс тәсілі: Әңгімелеу, сұрақ –жауап, ойын, жекелеме жұмыс, сергіту сәті, мадақтау.

Көрнекіліктер:пішіндер, суреттер, зымыран, күн, бұлт, жұлдыз, ай, таратпа

қағаздар,жұлдызды алқа.

Сабақтың жоспары:

I.Ұйымдастыру

А) жылулық шеңбері.

II. Негізгі бөлім.

Кіріспе

Қандай пішін? (пішіндерді ажырату)

Бұлттың тапсырмасы

Зымыран құрастыру

Саяхатқа шығу

Жаңбырдың тапсырмасы

Күннің тапсырмасы (сергіту сәті)

Жұлдыздың тапсырмасы

Айдың тапсырмасы

III.Қорытынды

Сұрақ –жауап

мадақтау

Біз қандаймыз,қандаймыз,

Шұғылалы таңдаймыз.

Күлімдеген күндейміз,

Ренжуді біз білмейміз.

Қуанасың сен де,

Қуанамын мен де.

Қуана бер достарым,

Арайлап атқан күнге.

Тәрбиеші: - Балалар, бүгін бізге апайлар қонаққа келіп отыр екен.Бүгін сендер апайларға білетін білімдеріңді көрсетіңдер.Бәріміз ақылды, тәртіпті балалар болайық,иә ма?

-Балалар:иә.

Тәрбиеші: Балалар бүгінгі ғарыш әлеміне саяхатқа шығамыз. Ғарыш дегеніміз – ол аспан әлемі. Қане көздеріңді жұмып аспанды елестетіңдерші,көз алдарыңа не келді.

Балалар: күн, ай, жұлдыз, бұлт, т/б

Тәрбиеші: Дұрыс айтасыңдар аспанда күн, бұлт, ай, жұлдыз т/б аспан денелері бар екен.

Саяхатқа шықпас бұрын біз сендермен геометриялық пішіндерді есімізге түсіріп алайық.

Тәрбиеші:Мынау қандай пішін?

Балалар: Дөңгелек.

Тәрбиеші:Түсі қандай?

Балалар:Қызыл

Тәрбиеші:Мынау қандай пішін?

Балалар: Шаршы.

Тәрбиеші: Шаршының түсі қандай?

Балалар:Сары

Тәрбиеші:Мынау қандай пішін?

Балалар:Үшбұрыш

Тәрбиеші:Түсі қандай?

Балалар:Жасыл

Тәрбиеші:Тамаша,балалар барлығымыз пішіндерді біледі екенсіңдер. Жарайсыңдар.

Балалар ғарышқа бару үшін бізге не керек?

Балалар: Зымыран.

Тәрбиеші:Қане, алдарыңдағы пішіндерден зымыран құрастырып жіберіңдер.

(балалар зымыран құрастырады)

Тәрбиеші:Зымыранды қандай пішіндерден құрастырдыңдар?

Балалар:үшбұрыш, шаршы, дөңгелектен.

Тақтаға зымыранның суреті ілінеді.

Тәрбиеші: Қане балалар ұшуға дайынсыңдар ма кеттік 1,2,3,4,5,6,7,8,9,10 балалар ұшайық. Балалар мынау не?

Балалар: бұлт

Тәрбиеші: дұрыс айтасыңдар бұлттың бізге арнаған тапсырмасы бар екен,орындайық па?

Балалар:иә

1.Бұлттың тапсырмасы.

«Не артық?» ойынын ойнап жіберейік.