Сандар мен кеңістікті бағдарлау сабағы, мектепке дейінгі топ

Шағын топтағы ұйымдастырылған оқу қызметінің технологиялық картасы.

Білім беру саласы: «Таным»

Бөлімі: Қ.М.Т.Қ

Тақырыбы: 1,2,3,4,5 цифрлары туралы өткенді пысықтау. Тәулік бөліктері ,кеңістікті бағдарлау.

Мақсаты: 1-ден 5-ке дейінгі сандар туралы өткендерін пысықтау.Сан мен санау түсініктерін қалыптастыру.Сандық және реттік санауды және кері санап үш тілде қайталату. «Қанша?», «неше?» сұрақтарына дұрыс жауап беруге үйрету.

Уақытты,кеңістікті бағдарлау арқылы баланың қиялын,ой-өрісін,есте сақтау қабілетін дамыту.Ұқыптылыққа,біліктілікке ойын және көрнекілік құралдарды қолдану арқылы тәрбиелеу.

Әдіс - тәсілдер: көрсету,түсіндіру,көрініс қою, ойын,сұрақ-жауап,

Көрнекіліктер:слайд, 1-ден 5-ке дейінгі сандар,тақта,магнит,ойыншықтар

Үлестірмелі материалдар: әр балаға 1-ден 5-ке дейінгі цифрлар тарату.

Шаттық шеңбері:

Амансың ба алтын күн!Амансың ба көк аспан!Амансың ба достарым!Амансыздар ма қонақтар!

(3 тілде амандасады)

Жарайсыңдар,балалар.Бүгін ерекше күн,бізге қонаққа апайлар келіп жатыр.

Т: Ерте,ерте ертеде математика атты патшалықта әдемі ханшайым өмір сүріпті.Үлкен сарайда іші пысқан ол бірде былай деп армандапты.

Ханшайым: Ох,шіркін! Мына әсем сарайда менің көп достарым болса.Мен олармен бірге ән салып,би билеп,өлең тақпақ айтып,жұмбақ шешіп,есеп шығарып бірге ойнар едім.

Т: осы кезде сарай алдына бойы сорайып,мойны қылқиып 1саны келіп есік қағады.

1саны: Тук-тук.Кім бар екен бұл үйде?Егер рұқсат болса,мынау әсем сарайға кіріп ,біраз тынығып алар едім.

Х: бұл үйде мен ханшайым тұрамын.Ал сен өзің кімсің?

1саны: Мені білгің келсе,

Мен таяқша бірмін.

Барлық санға жол бастап,

Ең басында тұрамын.

Х: сен сарайға кіру үшін алдымен менің тапсырмамды орындауың керек.1 саны туралы санамақ айтып бер.

1саны: менің де балаларға әкелген тапсырмам бар.

Т: сарай алдына басы салбырайып,мойны иілген әбден шаршаған 2 саны келеді.

2саны: Тук-тук. Кім бар екен бұл үйде?

Х: бұл үйде мен ханшайым тұрамын.Ал сен өзің кімсің?

2саны: 2 саны байыпты

Аққуға ұқсап қалыпты

Ұзын мойын құйрықты, Қазды да қатар қойыпты.

Х: сен сарайға кіру үшін алдымен менің тапсырмамды орындауың керек.2 саны туралы санамақ айтып бер.

2саны: менде құр қол келген жоқпын,балаларға тапсырмамды ала келдім.

Т: осы кезде ілбіп басып,аяғын сүйретіп «3»саны келіп есік қағады.

3саны: Тук-тук. Кім бар екен бұл үйде?

Х: бұл үйде мен ханшайым тұрамын.Ал сен өзің кімсің?

3 саны: 2-ден соң әрқашан

3саны мен тұрамын.

Байқап қарап түріме

Екі айшықтан құралды.Сарайға кіріп демалайыншы,шаршадым

Х: сен сарайға кіру үшін алдымен менің тапсырмамды орындауың керек.3 саны туралы санамақ айтып бер.

3саны: меніңде балаларға әкелген тапсырмам бар.