Сиқырлы сандықша туралы ашық сабақ мектепке дейінгі топқа

Күні:

Білім беру саласы:«Таным»

Ұымдастырылған оқу қызметі: «КМҰҚ»

Тақырыбы : «Сиқырлы сандықша»

Мақсаты: Балаларды жаңа геометриялық пішін – шаршымен таныстыру. Пішінді сезу қозғалыс жолымен зерттеуді жаттықтыру. Заттардың пішінін анықтауды бекіту (алма неге ұқсайды және т.б.)

Дидактикалық ойын: «Өз үйшігіңді тап»

Мақсаты: Геометриялық пішіндер мен түстерді салыстыру.

Әдіс-тәсілдер: Түсіндіру, көрсету, ойын, сұрақ-жауап, тосын сәт

Көрнекі құралдар: Сандықша, шаршы, дөңгелек, алмалар, терезелері дөңгелек, шаршы болатын екі үйшік, заттық суреттер.

Үлестірмелі құрал: шаршы, дөңгелек.

Қызмет кезеңдері

Тәрбиешінің қызметі

Балалардың қызметі

Мотивациялық- қозғаушылық

- Балалар, орнымыздан тұрып, дөңгелене тұрайық.

- Балалар, біз неге ұқсаймыз?

-Дұрыс айтасыңдар, мен сендерді жарқырап шыққан күнге ұқсатып тұрмын.

- Бір-бірімізге жақсы тілектер айтайық.

- Күнге ұқсаймыз.

- Мен сендерге зор денсаулық тілеймін.

- Мен сендерге шат күлкі тілеймін.

- Ашық аспан тілеймін.

- Анамыз, әкеміз аман болсын.

Ұйымдастыру-іздестіру

Тосын сәт: Есік қағылып Шынашақ балақай жүгіріп кіреді.

Шынашақ балақай:

- Мен мына сиқырлы сандықшаны тауып алып едім, ішінде балаларға арналған тапсырмалар бар екен. Маған көмектесіңдерші.

- Жарайды, бүгінгі оқу қызметінде Шынашаққа көмектесейік. Сандықшаны ашу үшін, мен жұмбақ жасырайын.

- Төрт бұрышты, бір ауызды. Ол не?

- Мәссаған, сандықшаның аузы ашылды. Сандықшаның ішінде не бар екен?

- Мынау қандай пішін?

- Дөңгелек неге ұқсайды?

- Дөңгелек пішіні домалайды. Оның бұрышы жоқ.

- Ал енді мына пішінге қарайық. Оның қабырғалары, бұрыштары бар екен. Домаламайды. Оған бұрыштары кедергі жасап тұр. Бұл пішін – шаршы деп аталады.

- Қане, балалар, қайталаймыз. Бұл не? Домалай ма?

Дидактикалық ойын: «Ұқсас затты тап»

Сергіту сәті:

Алма баққа барайық,

Алма теріп алайық.

Ең үлкенін тәттісін,

Анамызға сыйлайық.

Балаларды алма баққа алма теруге шақыру. Піскен алмалар жерде төгіліп жатыр.

- Алмалардың пішіндері және түрлері қандай?

Дидактикалық ойын «Өз үйшігіңді тап»

Шарты: Мына үйлердің терезесі қандай пішіннен болса, сендердің алдарыңда да осындай пішіндер бар соны алып өз үйлеріңді табыңдар.

- Сенің қолыңдағы пішін қандай?

- Пішіндердің түстері қандай?

Шынашақ: