Сиқырлы табиғат әлемі ашық сабағы мектепке дейінгі балаларға

Ашық ұйымдастырылған оқу- қызметінің технологиялық картасы

Тобы: «Құлыншақ» Күні: 18.04.18 ж.

Білім беру саласы: «Таным»

Оқу қызметі: «Жаратылыстану»

Тақырыбы: « Сиқырлы табиғат әлемі »

Мақсаты: Табиғат туралы өз тұжырымдарын айта білу, тәжірибелік жұмыстар арқылы балалардың табиғатқа деген көзқарасын кеңейту, табиғатқа қамқор болуға, сүйіспеншілікке тәрбиелеу, судың пайдасы, маңызы, қасиеті туралы білімдерін кеңейту.

Міндеті: табиғатты аялауға ұмтылысын дамыту, қамқорлыққа тәрбиелеу.Білімділік: табиғат туралы түсініктерін кеңейту, көктем туралы білімдерін тиянақтау.Дамытушылық: балалардың есте сақтау, балалардың сөздік қорын молайтып, ой-өрісін, тілін, қиялын дамыту. Әдемілікті сезіне білуге, көркемдік талғамдарының жетілуіне ықпал ету.Тәрбиелік: табиғатты қорғауға, адамгершілікке, ұқыптылыққа, бастаған ісін аяқтай білуге тәрбиелеу.Әдіс-тәсілдері: түсіндіру, көрсету, сұрақ-жауап, сергіту, мадақтау, тәжірибемен жұмыс.Көрнекілігі: слайдтар, суреттер, қажетті құралдар, мультфильм, ертегі.

Әрекет кезеңдері

Тәрбиешінің іс-әрекеті

Баланың іс-әрекеті

Мотива-циялық қозғау-шылық

Тәрбиеші: ( Слайд -1 Көктем )

Балалар, бүгін аптаның нешінші күні?

Қазір жылдың қай мезгілі?

Көктем айларын атап беріңдер.

Қазір көктемнің нешінші айы?

Көктем мезгілінде қандай өзгерістер болады?

Музыка әуенімен « Сиқырлы Ханшайым» келеді. - Сәлематсыздарма қонақтар!

Сәлематсыңдарма балалар! Мені танисыңдар ма? Мен табиғат әлемінен келген Сиқырлы Ханшайыммын.

Мен сендерге көптеген тапсырмалар алып келдім. Сендер менің тапсырмаларымды орындасаңдар, өзімнің сиқырлы әлеміме апарамын.

Тәрбиеші: - Жарайды, сіздің тапсырмаңызды балалар орындауға тырысады.

1-ші Тапсырма:

Көктем туралы қандай тақпақтар білесіңдер?

Балалар тақпақтарын айтады:

- Міне, келді көктем де,

Күн ұзара бастады. Улап-шулап балалар, Ағаштардың басына Ұя жасап тастады. Күн күлімдеп, нұрланып Орман толды думанға, Күнге жайып қанатын .

Көктем,көктем,көктемде Құстар келіп жеткенде Қуанып бір қаламыз, Әнмен қарсы аламыз.

Көктем келді бүгін, Күнім төкті нұрын. Сайрап барлық құстар Ән салуға құштар. Түрлі түсті әйбат Гүлдер шықты жайнап. Қызыл-жасыл аймақ Қырға шықты ойнап.

Көктем келді күркіреп, Жаңбыр жауды сіркіреп Бәйшешектер дүркіреп, Шыға келді қыр түлеп.

Үшінші күні

Көктем мезгілі

Наурыз, Сәуір, Мамыр

Екінші айы, Сәуір

Көктемде қар ериді күн жылынады, құстар ұшып келеді,жерге шөптер, гүлдер өседі, ағаштар бүршік жарады.

Балалар амандасады.

- Айзере

- Нұрәлі

- Ерасыл.

Ахан

Ұйымдас-тырушы-лық ізденуші-лік кезеңі

(Слайд -2 Табиғат)

Тәрбиеші: - Табиғат дегеніміз не деп ойлайсыңдар?

( Слайд -3)

-Табиғат нешеге бөлінеді? Дұрыс айтасыңдар, тірі табиғатқа: ағаш, шөп, гүлдер, адамдар, аңдар, құстар, жәндіктер жатады, өлі табиғатқа: тас, құм, су, ауа, күн, бұлт, жұлдыз, Ай жатады.

«Сұрақ - жауап» ойыны:

Құстардың үйі қалай аталады?

Дәрілік өсімдіктерді ата?

Өсімдіктердің өсуіне не қажет?

Қыста қоянның терісі қандай түске енеді?

Біз қай қалада тұрамыз?

Біздің балабақшамыз қалай аталады?

Қазір жылдың қай мезгілі?

Үй жануарларын ата?

Қандай жабайы жануарларды білесің?

Сиқырлы Ханшайым:

Мен сендерге жұмбақ жасырамын:

Жылт-жылт еткен, Жылғадан өткен.

Балалар, қалай ойлайсыңдар, бұл жұмбақ не жайлы?

Дұрыс таптыңдар, балалар.

Су туралы не білесіңдер? ( Слайд -4)

Судың қандай қасиеттері бар?

Су кімге, не үшін қажет?

Дұрыс, сусыз адам да, жан-жануар да өмір сүре алмайды.

Ханшайым:

Мен сендерге өзімнің сиқырымды көрсете отырып сендерді зерттеу орталығына шақырып, орталықтың ғалымдарына айналдырам :

Ол үшін сендер менің тапсырмаларымды орындай - сыңдар.

Тәжірибе: « Су, құйылған ыдыстың пішінін қабылдайды»

1-ғалым Дәнел: Баклашкідегі суды стақанмен әртүрлі ыдыстарға құямыз. - Сендер қазір сумен не жасадыңдар?

Бұдан қандай қортынды жасаймыз?

Тәжірибе: « Су түссіз»

2-ғалым Айзере: Балалар судың түсі қандай деп ойлайсыңдар? (балдар жауабы) Тексеріп көрейік. Стол үстінде сүт құйылған және су құйылған стақандар. Сүт қандай түсті?