Сиыр етінен манты жасау технологиясы бойынша материал

Сабақтың тақырыбы: «Сиыр етінен манты жасау»

Сабақтың мақсаты:

а) Білімділік мақсаты: Білім алушыларға тамақ әзірлеу технологиясын, тамақты әзірлеу жолдарын, мантының дайындалу жолдарын үйрету

ә)Тәрбиелік мақсаты: Білім алушыларды ізденушілікке, ұқыптылыққа, үнемділікке, еңбек сүйгіштікке, тағам дайындауға қызығушылығын арттыру.

б) Дамытушылық мақсаты: Білім алушылардың сабаққа белсенділіктерін арттыру

Сабақтың түрі: Өндірістік іс-тәжірибе сабағы.

Сабақтың әдісі:Интерактивті тақтамен жұмыс.

Көрнекілігі: Интерактивті тақта,нұсқау картасы

Пәнаралық байланыс: тамақ кәсіпорнын жабдықтау, еңбекті қорғау, тағам дайындау технологиясы.

Сабақтың барысы:

1.Ұйымдастыру кезеңі :

Сәлемдесу Білім алушыларды түгендеу;Білім алушылардың оқу құрал-жабдықтарын тексеру

2.Кіріспе нұсқау :

Сабақтың тақырыбы мен мақсаттарымен таныстыру;Білім алушыларға сабақта жасалатын жұмыстарды орындаудың әдіс-тәсілдерін көрсету және түсіндіру

Топқа бөліненеміз

1-топ бесбармақ

2-топ қуырдақ

Әр топ өзінің атауымен таныстырып,ол қалай жасалатынын айтып өтіңдер.Бұлар қандай тағамдар? Ұлттық тағамдар. Басқа ел тағамдар туралы не білеміз?

Олай болса бүгінгі сабағымыз не туралы болмақ? Содан барып сабақтың тақырыбы шығады.

3. Ағымдағы нұсқау

- жұмыс орнын дұрыс ұйымдастыру

- еңбек қызметін, тәсілдерін дұрыс атқару

- құрал-жабдықтарды дұрыс пайдалану

- техника қауіпсіздігі ережелерін қайталау

Үй тапсырмасын қайталау

Жаңа сабақты түсіндіру

Етті ұсақтап турап немесе еттартқыштан өткізу керек. Пиязды да уақтап турап, дәмдеуіштер қосуға болады. Май қосып, пияз бен тартылған етті араластыру керек.

Салма дайын.

Ұсақтап туралған картоп қосуға болады. Бірақ бұл міндетті емес. Орташа ыдысқа ұнды сеуіп, оған жылы су құямыз.Жұмыртқа , тұз салып қамыр илейміз.Оны пленкаға орап, 10-20 минутқа қоя тұрамыз

Қамыр илеу керек. Салманы дайындап болған соң, қамырды жұқа етіп жаямыз. Тым жұқа болып кетпесін, әйтпесе жыртылып кетуі мүмкін. Қамыр бір-біріне жабысып қалмас үшін ұн себеміз.

Қамырды төртбұрыштап немесе дөңгелектеп кесуге болады.

Қамырды кескен соң, дайын салманы саламыз .

Біреулер ұсақ болғанын қалайды, біреулер үлкен болғанын қалайды. Дайын салманы салып бүктейміз

Барлығын бүктеп болған соң, мантоварканың кастрөліне су құйып қайнатып алып, үстіне дайын мантылар орналасқан мантоварканы 45 минутқа қойып, буда пісіреміз. Манты піскенше бетіне тұздығын дайындаймыз.