Сөйлем түрлері мен тыныс белгілеріне арналған 4-сынып жоспар

Сабақтың тақырыбы: Сөйлем

Сабақтың мақсаты: а) Сөйлем туралы бұрыннан таныс білімдерін жүйеге келтіру. Сөйлемнің

айтылу мақсатына қарай бөлінетін түрлерін еске түсіру. Ойдың тіл арқылы берілетінін ұғындыру.

ә) Сөйлемнің тыныс белгісін дұрыс қойып, қатесіз жазуға дағдыландыру.

б) Тіл адам баласының қарым-қатынас құралы екенін, тілдің қоғамдық мәнін түсіндіру арқылы тілді құрметтеуге тәрбиелеу.

Сабақтың әдісі:түсіндіру, әңгімелеу, жаттығу.

Сабақтың түрі:аралас сабақ

Сабақтың көрнекілігі:кестелер жинағы,топшама

Сабақтың барысы: I. Ұйымдастыру бөлімі.

Оқушылардың сабаққа дайындығын қадағалау.

II. Үй тапсырмасын тексеру.

-Сөз тіркесі дегеніміз не?

-Бір сыңары күрделі сөзбен берілген сөз тіркестеріне мысал келтіріңдерші.

Шығармашылық диктант.

Қарға, кірпі, өркеш, күн, от, қауырсын, көрпе, қарағай, түлік, жылқы, бұлақ, ін, қыран.

Осы сөздерге сөз тіркестерін құрап жазу.

Мысалы: Қара қарға, тікенек кірпі, екі өркеш, ыстық от т.б.

III. Жаңа сабақ

-Сөйлем дегеніміз не?

-Сөйлем неден құралады?

-Сөйлемдегі сөздер қалай жазылады?

-Сөйлемнің түрлерін атаңдар?

-Сөйлемнің соңына қандай тыныс белгі қойылады?

Кестемен жұмыс.

Сөйлем

1 сөзден тұрады.

2 сөзден тұрады.

Көп сөзден тұрады.

Күз.

Мұғалім келді.

Қазір Қазақстанды жер

жүзі біледі.

Оқулықпен жұмыс.

1-жаттығу.

Сөйлемдерді оқыту.

Айтылу мақсатына қарай сөйлемнің қай түрі екенін анықтату.

2-жаттығу.

Сөйлемдерді айтылу мақсатына қарай түрлеріне бөліп жазу.

3-жаттығу

Өлеңді мәнерлеп оқу.

-Сөйлем соңындағы тыныс белгісі не үшін қойылған?

4-жаттығу. Сұраулы сөйлемдерді хабарлы сөйлемдерге айналдырып, мақал етіп жазу.

Береке көзі бірлікте.

Отан оттан да ыстық.

Ат – адамның қанаты.

IV. Сабақты бекіту. Қорытынды.

Сөйлем құра.

1-қатар хабарлы сөйлем;

2-қатар сол сөйлемді сұраулы сөйлемге;

3-қатар сол сөйлемді лепті сөйлемге айналдырып айту.

Мысалы: 1.Ауылдан әжем келді

2.Ауылдан әжең келді ме?

3.Алақай, ауылдан әжем келді.

V. Бағалау, мадақтау. Сабаққа белсене қатысқан оқушыларды мадақтап, бағалау. VI. Үйге тапсырма.5-жаттығу. (41-бет)

Сөйлемдердің жігін тауып, тыныс белгілерін қойып, көшіріп жазу.

27-сабақ

Сабақтың тақырыбы: Жай сөйлем және құрмалас сөйлем.

Сабақтың мақсаты: а) Құрмалас сөйлем туралы батапқы түсінік беру.Құрмалас сөйлемнің құрылымдық бөліктерімен танстыру ә) Жай сөйлемнен құрмалас сөйлемнің айырмашылығын ұғындыру. б) Қатесіз, таза жазуға тәрбиелеу.