Сөйлеу мәдениеті бойынша қазақ тілі сабақ жоспары

Пәні: қазақ тілі Өткізілген мерзімі:

Сабақтың тақырыбы: Сөйлеу мәдениеті.

Сабақтың мақсаты: а) Ойды басқаға тіл арқылы әсем етіп жеткізуге, сөйлемдерді дұрыс айтып

құрастыра білуге үйрету, орынды сөйлеу және тыңдаушыны өзіне тарта

білуге баулу.

ә) Диалогтік сөйлеу дағдысын, өз сөзін орынды айта білуін дамыту.

б) Әңгімелесушіні тыңдай білу қасиетін қалыптастыру.

Сабақтың әдісі:сұрақ-жауап, қайталау, жаттығу.

Сабақтың түрі:аралас сабақ

Сабақтың көрнекілігі:кестелер жинағы,топшама

Сабақтың барысы:

I. Ұйымдастыру бөлімі.

Оқушылардың сабаққа дайындығын қадағалау.

II. Үй тапсырмасын тексеру.

5-жаттығу.

-Әңгіменің тақырыбын қалай түсінесіңдер?

-Әңгіменің мазмұнын өз сөзімен кім баяндайды?

III. Жаңа сабақ

«Сәлемдесу» тақырыбын қайталау.

Ата мен баланың амандасуы:

-Ассалаумағалейкум, ата!

-Уағалейкумассалам, шырақ!

Әже мен баланың амандасуы:

-Армысыз, әже!

-Бар бол, балам!

-Сәлемдесуге байланысты тағы қандай сөздерді білесіңдер?

-Құрдастардың сәлемдесуіне мысал келтіріңдер.

Сюжетті суретпен жұмыс.

(Бақта алма, алмұрт жинап, сөйлесіп тұрған 2 бала)

-Суреттен не байқадыңдар?

-Жылдың қай мезгілі бейнеленген?

-Екі бала не туралы сөйлесіп тұр? Өз ойларыңды айтыңдар.

-Суретте бейнеленген осы екі балаға ат қойып, екеуінің әңгімесін өзімізше құрастырайық.

Үлгі:

-Асқар, биыл өнім жақсы болды ма?

-Иә, жақсы болды.

-Асқар, алма пайдалы ма, әлде алмұрт па?

-Әли, екеуі де денсаулыққа пайдалы. Екеуінде де дәрумендер көп.

-Балалар, екі не бірнеше адамдардың алма-кезек айтылған сөзі қалай аталады?

-Диалог деп аталады.

-«Диалог» деген терминнің өзі грек сөзінен алынған, қазақша «екі адамның сөзі, сөйлесуі, әңгімесі» деген ұғымды білдіреді.

Диалогтың тыныс белгісі – сызықша.

Оқулықпен жұмыс.

1-жаттығу.Ауызша.

1.Егер сенімен сыпайы сөйлессе, өзіңді қалай сезінесің?

2.Өзіңмен немесе достарыңмен дөрекі сөйлескен адамға қандай ақыл айтар едің?

3.Бөгде адаммен қалай танысар едің?

2-жаттығу.

Танысу: сізбен танысуға рұқсат етіңіз, сізбен танысқаныма қуаныштымын, өзімді таныстырайын, есіміңіз кім болады?

Өтіну: төрлетіңіз, үйге кіруге рұқсат етіңіз, ғафу етіңіз, мархабат.

3-жаттығу.

Сурет бойынша тірек сөздерді пайдаланып, «Танысу» тақырыбына әңгіме құрастыру.

4-жаттығу.

Мәтінді рөлге бөліп оқу.

-Мәтіннен Беріктастың өзін таныстырған сөздерін тауып оқыңдар.

*Мәтінді сахналату.

IV. Сабақты бекіту. Қорытынды.

«Сөйлеу мәдениеті» туралы мынадай мәліметтер беру: