Сөйлеуді дамытуға арналған Қыс суреті ұйымдастырылған оқу қызметі

Тақырыбы: «Қыс суреті»

Білім беру саласы: Коммуникация

Бөлім: Сөйлеуді дамыту

Мақсаты: Қыс суреті бойынша әңгіме құрауға үйрету. «Сөз», «Сөйлем» деген не екенін түсіндіру; Әртүрлі ойын арқылы балалардың қимыл-қозғалысын дамыту; балаларды бірігіп ойнауға, ұйымшылдыққа тәрбиелеу.

Көрнекіліктер: суреттер, бейне-материалдар, дидактикалық ойын материалдары

Әдіс- тәсілдер:Түсіндіру,көрсету,сұрақ-жауап, әңгімелеу, көрнекілік,үш тілділік.

Сөздік жұмыс: ажарлы

Пән аралық байланыс: ағылшын

Үштілділік компанент: қыс – зима – winter, аққала – снеговик – snowman, қар – снег - snow

Жоспар:

1.Кіріспе

2.Негізгі бөлім

3.Қорытынды бөлім

Кіріспе Мотивациялық- қозғаушылық *Амандасу: -Сәлеметсіздерме -Сәлеметсізбе. -Көңіл –күйлерің қалай балалар? -Жақсы -Балалар, мен өлең оқып берейін, сендер өлеңнің қай мезгілге арналғанын айтыңдар.

Айналамда ұшып жүр, Ақ мамық қар себелеп. Қалт-құлт еткен бейне бір,

Ақ қанатты көбелек

(З.Шүкіров) Негізгі бөлім Ұйымдастырушылық кезең. - Өлеңде не туралы айтылған екен? Балалар ынта қойып, қыс мезгіліне арналған өлең екенін айтады. - Қар туралы. - Қыс мезгілінде неше ай бар? - Қыс мезгілінде үш ай бар : желтоқсан, қаңтар, ақпан. - Қыс мезгілі ұнай ма, несімен ұнайды?

- Қыс мезгілі бізге ұнайды. Сырғанақ тебеміз, аққала жасаймыз, коньки тебеміз, бәрінен де Жаңа жыл мерекесін күтеміз.

Демонстрациялық құралмен жұмыс - Мына суретке қарап әңгіме құрайық. Суретке қарап көргендеріңді өз қиялдарыңмен толықтырып, әңгіме құрап көріңдер. - Суретке мұқият қарап, тақырып қойыңдар. Сендер суретте шанамен сырғанап жүрген балаларды, коньки теуіп жүрген баланы көріп отырсыңдар, балаларға ат қоя отырып әңгіме құраңдар. Бұл суреттің тақырыбын сендер қалай деп атайтын едіңдер. Балалар өз ойларын айтады. (Қыс қызығы, Қысқы серуен, Қыстағы ойындар, Достармен бірге, Қыс тамашасы. т.б.) -Иә, дұрыс айтасыңдар. Сендердің ойларыңды қорыта келе, бұл суреттің тақырыбын «Ажарлы қыс» десек қайтеді, келісесіңдер ме? - Иә, келісеміз. - Балалар, «ажарлы» сөзі «көрікті, әсем, тамаша, сұлу» деген мағынаны білдіреді. - Енді өздерің осы ажарлы қыс мезгіліне өз қиялдарыңмен әңгіме құраңдар. Балалар әңгіме құрайды: Далада қар жауып тұр. Күн суық, аяз. Ағаш бұтақтарын қалың қар басқан. Балалар аулада ойнап жүр. Біреулері коньки теуіп, біреулері шанамен сырғанап, ал біреулері қарға су әкеліп құйып жатыр. Жиналған бір топ бала аққала