Соңғы қоңырауға арналған сыныптан тыс жұмыс

М.Әуезов атындағы №128 жалпы білім беретін мектептің

«Соңғы қоңырау» мерекесіне арналған салтанатты жиынның сценарийі

Безендіру: ҚР Гимні, мектеп бітірушілердің газеттері, қанатты сөздер, гүлдер, шарлар, музыкамен көркемдеу.

Сапқа тұрғызу: сағат 8:45 те

(Күй ойнап тұрады)

Фанфар ойнайды

1-жүргізуші: Қалмұратұлы Ердәулет

Жас жүректің өмірлік құштары – гүл

Бағбан-ұстаз баулыған құстары – бұл.

Қоштасып бүгінгі күн ұясынан

Сол құстардың бір тобы ұшқалы тұр.

2-жүргізуші: Жанарбек Аяжан

30 өрен өсірдік тәрбиелеп қанша жыл

Еңбегіміздің қайтқаны тәлімімізді алса бұл.

Риза сезім бой билеп, мақтанамыз біз бүгін

Өңкей жұлдыз жарқырап көкірегіңде жанса жыр.

2017 жылдың мектеп бітіруші түлектерін қошеметтеп қарсы алайық!

(Көңілді музыка әуені)

1-жүргізуші: Қалмұратұлы Ердәулет

Алдарыңызда 11 «А» сынып түлектері. Сынып жетекшісі қазақ тілі мен әдебиеті пәнінің тәжірибелі ұстазы Жолшиева Мадина Шахизадақызы.

Сыныпта 16 оқушы. «Алтын белгіге» үміткер түлегіміз, қазақ тілі мен әдебиеті пәнінен Республикалық Бітібаева атындағы олимпиаданың ІІІ орын иегері, химия және ағылшын тілі пәнінен қашықтықтан өткізілетін «Нұрлы болашақ», «Қазақстан ұстазы» атты олимпиадалардың І орын иегері, домбырадан «Жас дәурен» байқауының лауреаты Муқан Мағауия, жалпы орта білім туралы «Үздік» аттестатқа үміткер түлегіміз, қалалық шығармалар байқауының І орын иегері, қазақ тілі мен әдебиеті пәнінен аудандық олимпиаданың ІІІ орын иегері Билген Айгерім, математика, химия, ағылшын тілі пәндерінен қашықтықтан өткізілетін «Нұрлы Болашақ» атты олимпиаданың І орын иегерлері Богаева Малика, Ермек Әсем, Ермек Әсем, «Мәңгі жас Алматыға – 1000 жыл» атты республикалық мәнерлеп оқу жеңімпазы «Жас Ұлан» балалар мен жасөспірімдер ұйымының белсенді мүшесі, аудандық және қалалық слеттерінің делегаты Бақытжан Нариман және Әбді Жансая, орыс тілі мен әдебиеті пәнінен аудандық олимпиаданың ІІІ орын иегері Карімова Салтанат, Әмір Нұрдәулет??? .

2-жүргізуші: Жанарбек Аяжан

Алдарыңызда 11 «Ә» сынып түлектері. Сынып жетекшісі орыс тілі пәнінің ұстазы Инкибаева Жансая Бахытқызы.

Сыныпта 14 оқушы. Жалпы орта білім туралы «Үздік» аттестатқа үміткер түлектеріміз: Жасан Аслан, Алякбаров Досбол және Есен Айым, қалалық және халықаралық этномәдениеттану секциясы бойынша ғылыми жоба жарысының ІІ орын иегері Нұрсадық Арайлым, Қазақстан тарихы пәнінен аудандық олимпиаданың жеңімпаздары Мұхамеджан Айнұр және Чнетова Аружан, «Жарқын болашақ» атты олимпиаданың жеңімпазы, аудандық Абай, Махамбет оқуларының жүлдегері, қалалық шығармалар байқауының І орын иегері, «Жас Ұлан» балалар мен жасөспірімдер ұйымының белсенді мүшесі, аудандық және қалалық слеттерінің делегаты Жамалбек Бауыржан, аудандық және қалалық «Ұлан» және «Айбын» атты әскери спорт ойынында мылтық ату мен брусьяда жеңімпаз атанған Муратбеков Әділет және Кенес Бейбарс.

2-жүргізуші: Жанарбек Аяжан

Мектеп түзел, тік тұр! Назар аударыңыз! Қазақстан Республикасының Мемлекеттік Туы салтанатты жиынға енгізілсін! (ҚР Мемлекеттік Туы енгізіледі, ту ұстаушылар саптың алдында өтіп жиынның сол жағынан орын алады).

1-жүргізуші: Қалмұратұлы Ердәулет

Қоңырау үні сыңғырлап,

Естілер жылы жаныма,

Күлкідей әсем сыңғырлап,

Жастарды жиды маңына.

Құрметті ұстаздар, оқушылар, ата-аналар, қадірлі қонақтар!

Соңғы қоңырау мерекесіне арналған дәстүрлі салтанатты жиынды ашық деп жариялаймыз.

Қазақстан Республикасының Гимні орындалады.

1-жүргізуші: Қалмұратұлы Ердәулет

Бүгінгі «Соңғы қоңырау» салтанатты жиынымызға жас түлектерге

ыстық лебізін білдіруге келіп отырған қонақтармен таныстыруға рұқсат етіңіздер.

2-жүргізуші: Жанарбек Аяжан

Қымбатты жас түлектер!

Бүгінгі қоңырау үні сендер үшін мүлде ерекше. Ол 2017 жылы – тарихи белестер жылы соғылатын қоңырау үні. Сендер мектепті 2017 жылы, яғни 28-ші Бүкіләлемдік қысқы Универсиада өткен жылы, Астана қаласында ЭКСПО – 2017 Халықаралық көрмесі өткізілетін жылы бітіріп отырсыздар, сондықтан да сендерге ұстаздар және ата-аналар қауымы үлкен сенім артып отыр.

Өздеріңе арналған алғашқы құттықтау сөз кезегін мектебіміздің директоры

Есдаулетова Жаннат Жұмаділқызына беріледі. (мектеп директорының құттықтау сөзі)

Келесі сөз кезегі бүгінгі мерекемізге келіп, қуанышымызды бірге бөлісіп отырған қадірлі қонағымыз............................................................................ беріледі.

1-жүргізуші: Қалмұратұлы Ердәулет

Қымбатты түлектер!