Сөз тіркесі тақырыбы бойынша сабақ жоспары, 4-сынып

Қазақ тілі пәнінен қысқа мерзімді жоспар

Күні 07.11.2017ж

Сыныбы 4 «Б»

Пәні қазақ тілі

Мұғалімі Дуйсенова Ж

Қатысқандар саны –

Қатыспағандар саны –

Сабақтың тақырыбы

Сөз тіркесі 1 – 8 - жаттығу

Сабақтың мақсаты

Синтаксис бөлімінен алған білімдерін сөз тіркесі туралы алатын білімдерімен толықтыру. Сұраққа жауап алу арқылы сөз тіркесін анықтау. Сөз бен сөз тіркесінің айырмашылығын аңғарту.

Күтілетін нәтиже:

Сөз бен сөз тіркесінің айырмашылығын біледі.

Сөз тіркесінің қай сөз табынан жасалғандығын ажырата алады.

Сөз тіркесін қатыстыра отырып, сөйлем құрауға дағдыланады.

Сабақтың типі

Жаңа сабақты меңгеру

Сабақтың түрі

Аралас сабақ

Әдістері

Алтын ереже, жылы сезімдер, миға шабуыл, «Топтастыру» «Ой қозғау» әдісі. «Автор орындығы». АКТ

Ресурстар

Оқулық, стикер, А-3 форматы, маркер, тақырыптық сурет, бейне материалдар, слайд көрсетілімдері

Сабақтың барысы

Сабақтың жоспарланған кезеңдері

Мұғалімнің іс-әрекеті

Оқушының іс-әрекеті

Ұйымдастыру кезеңі

Психологиялық әзірлікЫ. Алтынсариннің портретін көрсету- Балалар, бұл кім? Ол туралы не білеміз? Қандай өлеңін білесіңдер?

- Бүгінгі сабақта оқып білгендеріңді көңілдеріне ықыласпен тоқуларына тілектеспін! Сәттілік тілеймін!

Хормен айту:

Кел, балалар, оқылық!Оқығанды көңілгеЫқыласпен тоқылық.Оқысаңыз балалар, Шамнан шырақ жағыларТілегенін алдынанІздемей – ақ табылар!

«Ой қозғау» әдісі

Қызығушылықты ояту

Суретке қарап қарбыз сөзі мен үлкен қарбыз сөз жұбын салыстыру.

Мағыналарына, сөз санына назар аударту.

Оқушылар берілген суретке қарау, сөздерді салыстыру, сөз санына, мағыналарына мән беру.

Жаңа сабақты меңгеру кезеңі

Оқулықпен жұмыс

2-жаттығу. Бағанның екі жағындағы сөздерді салыстыру.

Тау, биік; семіз, қой; биік тау, семіз қой,

оқушы, жеті; тез, кел; жеті оқушы, тез кел,

директор, мектеп. мектептің директоры

-Бағанның оң жағындағы сөздердің байланысын сұрақ қойып анықтау. Бұл сөздердің бағанның сол жағындағы сөздерден өзгешелігі неде?

Ереже: Бір-біріне бағына байланысқан кемінде екі толық мағыналы сөздердің тобын сөз тіркесі дейміз. Тұнық су, екі оқушы, сауатты жаз.

3-жаттығу. Сөз тіркестерін оқып, мағынасын түсіндіру.

Жібек орамал, өзеннің жағасы, жуас ат, сөздің мағынасы, қалың қарағай, кең сарай, оқушының құралы, Жәнияның әжесі, ауыр жүк.