Сөзі шырайлының жүзі шырайлы, 4-сынып тәрбие сағаты

Бекітемін: №249 мектеп – лицейдің тәрбие ісі жөніндегі орынбасары Г. Аяп

Күні: 22.01.2020

Тақырыбы: «Сөзі шырайлының-жүзі шырайлы»

Мақсаты: оқушыларға сөз құдіретін ұғындыру, сөздің қасиетін бағалай білуге және сөйлеу әдебін сақтай білуге үйрету,бабалар тағылымы мен нақыл сөздердің тәлім-тәрбиелік мәнін түсіндіру,оқушыларды адамгершілікке, ұлтжандылыққа, парасаттылыққа,ұйымшылдыққа тәрбиелеу.

Міндеті:

сөз қадірін бағалай білетін,ойы ұшқыр, өресі биік, білімді, саналы,адамгершілігі зор тұлғаларды тәрбиелеу.

Көрнекілігі: АКТ құралдары

Барысы:

Көрініс көрсетіледі «Сәлем-сөздің анасы»

Сахна төрінде үш қария отырады.Бір бала жүгіріп шығып қариялармен амандасады.

-Ассалаумағалейкум аталар!

-Уағаликумассалам

-Өркенің өссін,айналайын!

-Талабың таудай болсын!

-Үлкен азамат бол!

Бала айтады: -Алланың сіздерге нұры жаусын!

-Хал жағдайларыңыз қалай?

Бірінші қария: Өнегелі отбасынан шыққан,тәрбиелі бала екенсің!

Екінші қария:Үлкенді көргенде алдынан кесе өтпей,хал жағдайымызды сұрап,сәлеміңді бердің!

Үшінші қария: «Сәлем сөздің анасы деген» балам,қолыңды жай батамды берейін

(үшінші қария батасын береді)

Франковский (ұлдар)

1-оқушы: Қазақ жұртының жақын туысына, көршісіне деген ыстық ілтипаты сөз мәнерінен көрінеді. Кездескен адамдар бір-біріне «Ассалаймағалейкум!» деп сәлем береді. Бұл «Сізге нұр жаусын» деген сөз.

2-оқушы: Таңертеңгілік немесе таң атып келе жатқанда кездескен адамдар «Қайырлы таң» деп тілектестік білдіреді

3-оқушы: Үйге келген кісі шаңыраққа сәлем беріп кіреді. Үй иесі сәлемін алып, жасы кіші болса қайта сәлем беріп, «хош келдіңіз», «төрге шығыңыз» деп ілтипат көрсетеді

4-оқушы: Тойға жиналғандар «той тойға ұлассын» деп құттықтайды. Мұны қабыл алғандар «айтсын», «айтқаның келсін», «бірге болсын» деген жылы сөздермен қарсы алады.

5-оқушы: Мәжіліске немесе бірнеше адам бас қосқан жерге келген адам «орта толсын» дейді. Үйдегілер «кемісі сізбен толсын» деп орын ұсынады.

6-оқушы: Жолаушыдан «қайда барасыз?» деп сұрау дұрыс емес. «Жол болсын», «жолдасың Қыдыр болсын», «сапарың сәтті болсын» деу керек

7-оқушы: Жаңа туған айды көргенде «ай көрдім, аман көрдім, ескі айда есірке, жаңа айда жарылқа» деп бата жасайды. Ағып түскен жұлдызды көргендер «менің жұлдызым жоғары» деп тәубаға келеді.

Бәрі бірге

Жүректен шыққан сөз жүрекке жол табар

Жүргізушілер шығады

1-жүргізуші: Сәлем,достар!Сөз қадірін білмеген,өз қадірін білмейді деген

2- жүргізуші:Иәә,Әсет дұрыс айтасын!Жылы жылы сөйлесең жылан іннен шығады емес пе?

1- жүргізуші: Мұның барлығы ата бабадан қалған асыл сөздер

2- жүргізуші:Иәә,менің сыныптас достарым да сөз қадірі мен сәлемдесудің шырайлы жақтарын айтып шықты емес пе

1- жүргізуші:Олай болса «Жақсы сөз жарым ырыс дегендей » 4 Г сыныбының «Сөзі шырайлының-жүзі шырайлы» атты ашық тәрбие сағатына қош келіпсіздер!

2- жүргізуші: Жақсы сөз, жылы тілек әр адамның көңілін көтеріп, олардың жүрегіне жылу береді, көңіліне қуаныш сыйлайды. Жылы сөз адамдарды татуластырады, достастырады.Жақсы сөздерді бір - біріне жиі айту нәтижесінде өзара сыйластық артады

1- жүргізуші: Жақсы сөз естісең, жаның жадырайды. Жақсы сөз ашу шақырмайды, жүрегіңді жылытады. Тек қана жақсылыққа жеткізеді, бақытқа кенелтеді, қуанышқа бөлейді. Жақсы сөз қуат береді, көңіл көтереді

Олай болса кезекті әнімен Әріпбай Бибінұрды қарсы алайық

Ән:Жақсы адамдарым

2- жүргізуші: Таза мінсіз асыл тас су түбінде жатады,

Таза мінсіз асыл сөз ой түбінде жатады.

Су түбінде жатқан тас-жел толқытса шығады,

Ой түбінде жатқан сөз-шер толқытса шығады.

1- жүргізуші:. Әрине жақсы сөз көңіл құлпын ашатын кілт емес пе? Ой мен тәнді жігерлендіретін, семіртіп те сергітетін, сүрінсең анаңның ыстық…