Спорт – денсаулық пен рухты шыңдайтын күш 11 сынып

Спорт – бұл тек физикалық қозғалыс қана емес, ол – тәртіп, ерік-жігер, жеңіске деген ұмтылыс. Адам өмірінде спорттың орны ерекше. Ол денсаулықты нығайтып, мықты мінез қалыптастырады, тәртіпке үйретеді. Қазіргі заманда спорттың әртүрлі түрлері дамып, әлемдік деңгейде маңызды орын алып отыр.

Спорт бірнеше салаға бөлінеді:

– Жекпе-жек спорттары:бокс, дзюдо, таэквондо, күрес – бұл спорттар адамның физикалық және психологиялық шыдамдылығын арттырады.

– Командалық спорттар:футбол, волейбол, баскетбол – бұл спорттар ұжымда жұмыс істеуді, сенім мен тактиканы дамытады.

– Жеке спорт түрлері:жеңіл атлетика, жүзу, теннис – адамның өз қабілетін жетілдіруге бағытталған.

Менің бала кезімдегі қызығушылығым:

Бала күнімде спортқа ерекше қызығушылығым болды. Әсіресе бокс пен футбол маған ерекше әсер етті. Қыз баласы болсамда кішкентай кезімде көшеде балалармен футбол ойнау – ең қызықты сәттерімнің бірі еді.Футболдан мен ұнататын клуб – Атлетико Мадрид. Бұл клубтың ойыны мен рухы маған ерекше әсер етеді. Команданың қорғанысқа негізделген тактикасы, бапкер Диего Симеоне секілді ерік-жігерге толы тұлғалар арқылы ерекшеленеді. Атлетико Мадрид клубы Ла Лигада 11 рет чемпион атанған, ал соңғы рет бұл жетістікке 2020–21 маусымында жетті. Балалық шағымда Атлетиконың ойынын көріп, шабыт алатынмын. Өзім де аулада доп қуып, гол соққан сәттерді ұмытпаймын. Футбол маған достықты, жеңісті бағалауды үйретті. Әрине бұл қызығушылығым тек уақытша болды.

Дүниежүзі бойынша футбол– ең көп қаралатын және ойналатын спорт түрі. FIFA мәліметі бойынша, әлемде 250 миллионнан астам адам футболмен тұрақты айналысады. Қазақстанда 2023 жылы спортпен жүйелі түрде айналысатындар саны 6 миллионнан асқан. Бұл – халықтың 30% жуығы.

Қазақстан боксы – әлемге танымал. Мысалы:

1.Серік Сәпиев– Олимпиада чемпионы, әлемнің екі дүркін чемпионы

2.Бекзат Саттарханов– 2000 жылғы Сидней Олимпиадасының чемпионы

3. Геннадий Головкин (GGG)– кәсіпқой бокстың орта салмақтағы әлем чемпионы

4. Данияр Елеусінов– Олимпиада чемпионы, кәсіпқой бокста да үлкен жетістіктерге жетіп жүр. Қазақстан боксшылары Олимпиада ойындарында жалпы 8 алтын, 7 күміс, 8 қола медаль жеңіп алған.