Спорт өнері тақырыбындағы ашық сабақ, 6 сынып

Ұзақ мерзімді жоспардың тарауы: ҮІІ бөлім. Спорт. Белгілі спорт жұлдыздары.

Мектеп:

Күні:

СЫНЫП: 6

Қатысқандар саны:

Қатыспағандар саны:

Сабақтың тақырыбы:

Спорт-өнер.

Оқу мақсаты:

1.Т/А3. Тыңдалған мәтіннің мазмұнын түсіну, детальды ақпаратты анықтау.

2. О1. Мәтіннен негізгі және қосымша детальді ақпаратты анықтау, түсіндіру.

3. ӘТН4. Етістіктің етіс түрлері мен салт-сабақты етістіктің тіркесімдік мүмкіндігін ауызша және жазбаша тілдесім барысында қолдану.

Сабақ мақсаттары

Барлық оқушылар: Мәтіннен ақпарат түрлерін түсініп, салт, сабақты етістіктерді тілд+есім барысында табады.

Оқушылардың басым бөлігі: Етістіктің тіркесімдік мүмкіндігін тілдесім барысында қолдана отырып, мәтіннен детальді ақпарат түрлерін анықтайды.

Кейбір оқушылар: Тілдесім барысында етістіктің етіс түрлері мен салт, сабақты етістіктің тіркесімдік мүмкіндігін айтады.

Бағалау критерийлері

мәтін мазмұнын түсініп, детальді ақпараттарды анықтайды.

ақпарат түрлерін ажыратады.

етістіктің етіс түрлері мен салт, сабақты етістіктің тіркесімдік мүмкіндігін талдайды.

Тілдік мақсат

Оқушылар орындай алады: Спорт құралдарының түрлерін, ұлттық спорт түрлеріне байланысты қосымша детальді ақпаратты тауып жазады, анықтауға бағытталған сұрақтар құрастырады.

Пәнге қатысты сөздік қор мен терминдер: Спорт, саяхатшы, атқұмар, мерген,бес дүркін чемпион, балуан, бокс, хоккей, күрес.

Диалог құруға арналған пайдалы тіркестер: Дағыстанның балуаны, Скандинавия елдері, Бразилиялықтар, Канадалықтар, Әли Әлиев.

Талқылауға арналған сұрақтар:Жастардың спортпен айналысуға жағдай жасалған ба?

Неліктен бүгінгі күннің жастары спортпен айналысуға құлықсыз?

Құндылықтарға баулу

Ұлттық спорт өнерін сүюге, спорт түрлерін дәріптеуге, спорт түрлерінің қажет екенін түсіндіру, еңбек сүйгіштікке баулу, салауатты өмір салтын қалыптастыруға тәрбиелеу.

Пәнаралық байланыс

қазақ әдебиеті, өзін-өзі тану, дене шынықтыру

Тақырып бойынша алдыңғы білім

«Блум түймедағы» әдісі арқылы суға байланысты білетіндерін еске түсіріп, жинақтайды

Жоспар

Сабақтың жоспарланған кезеңдері

Жоспарланған жаттығулар

Ресурстар

Сабақтың басы

5 мин

Ұйымдастыру кезеңі

«Жақсылық тамшысы» ойыны арқылы

сыныпта жағымды ахуал туғызу:

«Таныс заттар» әдісі арқылы сыныпты 3 топқа бөлемін. Әр оқушы бір затын мұғалімге ұсынады. Мұғалім сол заттарды араластырып әр топқа тастайды. Балалар өз заттарын тану арқылы сол топқа келіп отырады.

1-топ «Спорт»

2-топ «Денсаулық»

3-топ «Күрес»

Қызығушылықты ояту. «Мина алаңы» әдісі оқушыны жылдам әрі тұжырымды ойлауға дағдыландырады. Құнды ой жинақтап, ойын ашық айтуға үйренеді.

1.Спорттың қандай түрлерін білесіңдер?

2.Спорт арқылы денсаулықты жақсартуға бола ма?

3.Қазақстаннан шыққан қандай спортшыларды білесіңдер?

4.Адам баласы спортпен не үшін шұғылданады?

Тамшы бейнесінде жасалған стикерлер.

Оқушы құралдары

Минаға ұқсатып жасалған арнайы дайындалған қағаздар

Сабақтың ортасы

30мин

Үнтаспадан мәтінді тыңдатамын

Спорт-өнер

Қазақ халқының спорт өнері сонау ерте заманда туған. Ортағасырлық саяхатшылар қазақтардың мерген, атқұмар, сайыста мықты жауынгер екенін талай рет жазған. Ата-бабаларымыз мұраға қалдырған ұлттық ойындар ..., т.б

Бірде дүниежүзінің бес дүркін чемпионы, Дағыстанның атақты балуаны Әли Әлиевпен әңгімелескенім бар.

-Бізде,- деді Әли,- спорттың ең көп тараған түрі- күрес. Қазір елімізді әлемге танытқан атақты балуандарымыз баршылық. Қалған спорт түрлеріне онша мән бермей келеміз.

- Ал біздің Республикада спорттың елуге жуық түрі дамыған,- дедім.

- Қазақстан бай ғой. Құрылыс салуға да, командалар ұстауға да қаржы молынан жетеді. Бірақ әр ұлттың өзіне тән спорттың түрі болса, бұның ешқандай кемшілігі жоқ. Мәселен, бразилиялықтар үшін футбол болса, Скандинавия елдері мен канадалықтар үшін хоккей. Ал біздің жастарға күрес пен боксты шындап игеру керек.

Әли дұрыс айтып отыр. Шынында да, біз әр спорт түріне машықтанып жүрміз, бірде балуандарымыз жеңіске жетсе, бірде волейболшыларымызды, хоккейшілерімізді жеңіс тұғырынан көреміз.

«Кофе таяқшалары» әдісі. Бұл әдіс арқылы оқушының жауапкершілігі артады,сыни тұрғыдан ойланады, тыңдалым дағдылары қалыптасады.

Тапсырма

1.Мәтінді мұқият тыңдап, сұрақтарға жауап беру арқылы негізгі детальді ақпаратты анықтаңдар.

Спортты өнердің бір түрі деуге бола ма, неге?

Дағыстандық балуанның пікіріне қосыласыңдар ма?

Қай халыққа қандай спорт түрі тән, етене жақын деп ойлайсыңдар?

Қазақтың ұлттық спорт түрлеріне тағы нені қосар едіңдер?

2. Берілген түпнұсқа мәтінді мұқият оқып шығып, кестенің бірінші бағанына негізгі, екінші бағанына қосымша детальді ақпаратты тауып жазыңдар.

Негізгі ақпарат

Қосымша ақпарат

3.Мәтінді мұқият оқып, мәтіннің негізгі және қосымша ақпараттарын анықтауға бағытталған 3 сұрақ құрастырыңдар.

Дескриптор:

- мәтіннің мазмұнын түсінеді.

- мәтіннің негізгі идеясын анықтайды.

- негізгі және қосымша детальді кестеге түсіреді.

- қосымша ақпаратты ажыратады.

- қойылған сұрақтарға жауап береді.

- нақты ақпаратты анықтауға бағытталған 3 сұрақ құрастырады.

Дескриптордың нәтижесінде «Екі дұрыс, бір бұрыс » әдісі арқылы қалыптастырушы бағалау жүргіземін.

Оқушының ойлау қабілеті дамиды, өзін-өзі бағалауына ықпал етеді.

2-тапсырма.