Стрестің алдын алу туралы баяндама мен реферат

«Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының Жамбыл облыстық мүгедек балаларды оңалту және бейімдеу орталығы» коммуналдық мемлекеттік мекемесі

Баяндама

Тақырыбы: «Стресстің алдын алу жолдары»

Орындаған: Игиликова С.А.

Тараз 2021ж.

Стресстің алдын алу жолдары.

Мақсаты: Күйзеліске теориялық тұрғыда хабар беріп, оны бейтараптандыру мен шешу жолын көрсету, меңгерту.

Күйзеліс (стресс)-бұл нақты жағдайда басқаруға келмейтін қиын эмоциялық-физикалық қысым. Ғылыми тілде жеткізетін болсақ ағзаның болған жағдайға физикалық, психикалық, эмоциялық және химиялық әсері.

Күйзеліс 3 деңгейде көрінеді: ақыл, ой, көңіл-күй. Ең алдымен, ақпаратты ой елегінен (саналы, санасыз), сосын эмоциялық сезіну (әлсіз және күшті), кейіннен барып бұл үрдіс физикалық деңгейде бекиді. Ең алғашқы бұлшықеттегі қысымды шешуді, алғашқы сыныптан-ақ білеміз. (саусақты ашамыз, жұмамыз). Күйзеліс кезінде қандай-да бір бұлшықеттің қысымда тұрғанын сезінесіз. Ол жақсүйектің, іштің, арқының бұлшықетіндегі қысым болуы мүмкін.

Күйзелістің денсаулыққа зияны.

Күйзеліс күйден («стресс») арылмау, торығу денсаулыққа зиян екенін бәріміз де білеміз. Болмашы нәрсеге күйгелектену-жүйкені тоздырады, жүрекке күш түсіреді, өмірді қысқартады, адамның мінез-құлқын өзгертеді.

Күйзелісті жағдайда бүйрек бездері қанға қуатты гормондарды айдайды, оны бүкіл ағзаға жайып жібереді. Ол қан қысымын көтереді, тамырдың соғысы мен тыныс алуды жиілетеді, бұлшық еттері тартылады, бауыр қанға қантты көбірек жібереді. Бұлар адамның есте сақтау қасиетін әлсіретеді, тез шаршап-шалдығатын күйге түсіреді, неше түрлі ойлар басна келіп, ұйқысы қашады. Бұлшық еттерінің босаңсып, бастың ауруы, жыныстық дәрменсіздік пен тері ауруының мазалауы да сары уайымнан арыла алмаудан болады.

Күйзеліс кезінде ағзадағы дәрумен жедел жойылады, кейін орнын толтыру қиынға соғады.

Осы қысымнан арылу үшін бұлшықетке дұрыс жаттығу жасай білу қажет.

Бойдағы күйзелістен арылуға арналған жаттығу кешені. (10 мин).

Мойын. Арқаны тік ұстап, төбеден ілгекпен тартып жатқандай мойынды барынша созу. Енді, ілгекпен төмен түсіріп жібергендей, бірден босаңсыту.

Арқа. Екі жауырынның арасын жақындатып, өзіңізді киім ілгіште ілініп тұрғандай сезіну. Екі жауырынның арасын барынша жақындату. Бірден босаңсу.