Студенттердің ағылшын тілін үйрену әдістері мен қиындықтары

Мусаев Н.М.

Студенттердің Сабақтан Тыс Ағылшын Тілін Үйренудегі Әдістері мен Қиындықтары

Қарағанды Е.А. Бөкетов атындағы университеті КА-38-21 тобы арасындағы өтілген сауалнама зерттеуі негізінде.

Кіріспе:

Ағылшын тілі қазіргі әлемде көп қолданылатын тіл ретінде кеңінен таралған ой-пікірлер бар, әрі ол тек халықаралық коммуникация үшін ғана емес, сондай-ақ көптеген елдердегі білім беру және еңбек нарығында жоғары бәсекеге қабілеттілікті қамтамасыз ету үшін қажет. Ағылшын тілін меңгеру – тек тілдік дағдыны дамыту ғана емес, сонымен бірге мәдениетаралық қарым-қатынас, білім алу және мансаптық мүмкіндіктерді арттыру болып табылады. Ағылшын тілін үйрену процессінде түрлі әдістер мен тәсілдер қолданылады, ал студенттер үшін тіл үйрену барысында кездесетін қиындықтар да бар. Бұл мақалада студенттердің ағылшын тілін меңгерудегі мақсаттары, әдістері, қолданатын ресурстары мен кездесетін қиындықтары қарастырылады.

Brown өз кітабінда тіл үйренудің мотивациясы мен әдістемелерін нақты сипаттайды: «Тіл үйренуші мен оқытушы арасындағы қарым-қатынас маңызды рөл атқарады. Әр түрлі әдістер мен техникалар студенттің қажеттілігіне сай болуы тиіс».

Зерттеу негізі:

Зерттеу Қарағанды қаласындағы Е.А. Бөкетов атындағы университеттің КА-38-21 тобы студенттері арасында сауалнама жүргізу арқылы жүзеге асырылды. Сауалнамада студенттердің ағылшын тілін меңгеру мақсаттары, аптасына тіл үйренуге бөлінетін уақыт мөлшері, қолданатын әдістер мен ресурстар, сондай-ақ тіл үйренудегі қиындықтар туралы сұрақтар қарастырылды. Бұл зерттеу студенттердің тіл үйрену процесіне әсер ететін маңызды факторларды анықтап, олардың тиімділігін арттыруға ықпал етуі мүмкін.

Негізгі бөлім:

Тілді меңгеру мақсаттары:

Сауалнама нәтижелері бойынша студенттердің көпшілігі ағылшын тілін кәсіби даму мақсатында үйренуді жөн көреді. Олардың 70%-ы тіл меңгеруді мансаптық мүмкіндіктерді кеңейту үшін маңызды деп есептейді. Сонымен қатар, 30%-ы ағылшын тілін шетелге саяхаттау немесе мәдениетаралық қарым-қатынас үшін үйренеді.

Тілді үйренудегі мотивацияның рөлі:

Brown тіл үйренушінің мотивациясын экстринсивті және интринсивті деп бөледі.

Экстринсивті мотивация: Оқу немесе жұмыс сияқты сыртқы факторлар әсер етеді.

Интринсивті мотивация: Тілді үйренуге деген жеке қызығушылық пен құштарлық.

“Motivation is a key factor in determining success in language learning. Intrinsic motivation often leads to more sustained efforts and better results compared to extrinsic motivation.”

Сауалнамадағы нәтиже бойынша студенттердің ағылшын тілін үйренудегі мотивациясын осы теориямен байланыстыруға болады.

Аптасына бөлінетін уақыт мөлшері:

Қатысушылардың 60%-ы аптасына 4-5 сағат уақыт бөлсе, 40%-ы одан да көп уақыт, яғни 6 сағаттан артық уақыт тіл үйренуге жұмсайды. Бұл көрсеткіш студенттердің тіл үйренуге деген ынтасы мен өзіне деген жауапкершілігін көрсетеді. Ағылшын тіліне уақыт бөлу – тіл деңгейінің жақсаруына үлесін қосады.

Сонымен қатар, Jack C. Richards және Theodore S. Rodgers-тің “Approaches and Methods in Language Teaching” кітабында, тіл үйрену барысында, уақытты дұрыс ұйымдастыру жайлы айтылған:

“Effective language learning involves sustained practice in meaningful communication, where learners allocate time to engage in both structured and spontaneous language use.”

Қолданылатын әдіс-тәсілдер: