Су мен ауаның қасиеттері бойынша сабақ жоспары

Пәні: Жаратылыстану

Тақырыбы: Су мен ауаның қандай қасиеттерін білесің?

Мақсаты: су мен ауаның қасиеттерін сипаттау.

Күтілетін нәтиже

Барлық балалар:

«Зертханалық жұмыс» ұғымына анықтама бере алады;

қарапайым тәжірибелер жүргізеді;

Көпшілік балалар:

зертханалық жұмыс нәтижелері бойынша қорытынды жасайды;

зертханалық жұмыс үдерісінде жеке тәжірибені қолданады.

Өткен оқу қызметін еске түсіру

жансыз табиғат жөнінде қарапайым түсініктер;

тәжірибелік жұмысты ең оңай дағдыларын меңгеру.

Педагогтың іс-әрекеті

I. Дұрыс әсерлі көңіл-күй орнату

Педагог оқу қызметін жүргізу үшін қолайлы жағдай жасайды

Сылдырлайды мөлдір су,

Мөлдір суға қолыңды жу.

Жусаң сен әрдайым,

Аппақ бетің, маңдайың,

Тазалықтың досы,

Су деген осы.

Ресурстар

Өлең

ІІ. Мақсатты болжам.

Педагог жұмбақ шешуді ұсынады.

Жылт-жылт етеді,

Жылғадан өтеді (Су)

Көзге ілінбейді,

Жұтсаң білінбейді.(Ауа)

Жұмбақ шешу

ІІІ. Оқу қызметінің тақырыбы бойынша жұмыс

Педагог балаларды мәтінмен таныстырып, сұрақтарды талқылауды ұсынады.

Тәжірибелік жұмыс шеңберінде жұмыстың қауіпсіздік ережелерін талқылау.

Балалар тәжірибелік жұмысқа қатысуға шақыру қағазын алады.

1-тәжірибе.Тәжірибе жасау арқылы судың түссіз, мөлдір,дәмсіз,иіссіз екенін анықтау.

1.1.Судың түсі қандай? (1-тапсырма)

Екі стақандағы су мен сүтті салыстыру. Сүттің түсі ақ.Ал судың түсі мөлдір.Нәтижесінде судың түссіз мөлдір, ал сүт ақ түсті болатынын анықтау.

1.2.Судың дәмі қандай? (2-тапсырма)

Су мен апельсин шырынын салыстыру. Шырында апельсин жемісінің дәмі бар. Ал судың дәмі жоқ. Нәтижесінде судың дәмсіз екені анықталады.

2-тәжірибе. Судың үш күйін анықтау.

2.1. Су- сұйық зат.

Суды мөлдір стақанға құю. Дауысын естірту. Нәтижесінде балалардың судың сұйық болатыны туралы түсініктерін қалыптастыру.

2.2.Су қай кезде қатты денеге айналады (3-тапсырма)

Стақанға суды құйып, бір күнге тоңазытқышқа қойып, нәтижесінде судың төмен температурада қатты денеге айналатынын дәлелдеу.

2.3. Су буға қалай айналады?

Суды қайнатқанда буға айналатынын түсіндіру (бейнеүзінді, сурет арқылы)

3- тәжірибе: Ауасыз тіршілік жоқ екенін және ауаның көзге көрінбейтінін анықтау.

3.1. Ауасыз өмір сүре аламыз ба?

Ол үшін тыныс мүшелерін бекітіп, тыныс алмау керектігі ұсынылады. Нәтижесінде адам ауасыз өмір сүре алмайтыны туралы тұжырым жасалады.

3.2. Ауа көзге көріне ме?