Су тіршілік көзі ашық сабағы мектепке дейінгі балаларға

Топ: Қонжық Күні: 14.10.2020

Мұғалімі: Ергенбай А.Ғ.

Білім беру саласы: Шығармашылық, зертханалық

Бөлімі: Сурет салу

Тақырыбы: «Су – тіршілік көзі»

Мақсаты: Судың адам өміріндегі маңызын түсіндіру. Балаларды табиғатты аялауға, қорғауға, таза ұстауға дағдыландыру. Тәжірибе жасау арқылы судың қасиеттері туралы білу.

Көрнекіліктер: Оқу қызметінің барысына байланысты слайд

Қажетті құрал – жабдықтар: Су, крахмал, жалпақ ыдыс,ақ қағаз, алжапқыш, қол сүртетін майлық, қылқалам, гуашь бояуы, су құятын ыдыс, кептіруге арналған тақта.

Билингвалды компонент: Су – вода, картоп – картошка, табиғат – природа, тазалық – чистота.

Іс – әреке кезеңдері

Мұғалімнің іс – әрекеті

Балалардың іс – әрекеті

Мотивациялық – қозғағыш

Ізденіс, ұйымдастыру, тапсырма орындау кезеңі

Сергіту сәті

Рефлекциялық - түзетушілік

- Сәлеметсіңдер ме балалар?!

- Здравствуйте дети?!

Оқу қызметімізді шаттық шеңберінен бастайық.

Шаттық шеңбері

Табиғат біздің анамыз,

Табиғатқа баламыз.

Иіліп сәлем береміз,

Біз әдепті боламыз.

Армысың алтын күн,

Армысың Жер – Ана!

Тамаша, жарайсыңдар балалар! Ал, енді барлығымыз өз орнымызға жайғасып, арқамызды тік ұстап,әдемі отырамыз. Қауіпсіздік ережелерін сақтап, алдымызда тұрған заттарға рұқсатсыз тиіспейміз.

- Балалар бір жылда неше мезгіл бар?

- Қазір қай мезгіл?

- Күзде қандай өзгерістер болады?

Керемет, жарайсыңдар! Бүгінгі оқу қызметінің тақырыбын айтпас бұрын жұмбақ жасырайын, ал сендер мұқият тыңдап, жауап беріңдер!

Дәмі де жоқ, түсі де жоқ.

Пайдаланбас кісі де жоқ.

Ол не?

Дұрыс айтасыңдар, әрине ол су. Ал, ендеше бүгінгі оқу қызметінің тақырыбы : «Су – тіршілік көзі». Тәжірибелік сабақ. Сондықтан техникалық қауіпсіздік ережелерін сақтай отырып жұмыс жасаймыз.

- Балалар судың иісі, түсі, пішіні болады ма?

Иә, дұрыс айтасыңдар, болмайды. Су – тіршілік көзі. Ол – өлі табиғат. Сумен бүкіл әлем тіршілік етеді, жайнайды. Бірақ судың түсін өзгертуге болады. Оны байқап көру үшін тәжірибе жасап көрейік. Ал жасамас бұрын сергіту сәтін жасап алайық.

Ал, балалар тұрайық,

Мойнымызды бұрайық.

Қолымызды созайық,

Су ішінде қалықтап,

Қане жүзіп алайық.