Су туралы ғылыми жұмыс, 4-сынып оқушыларына арналған

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

АҚМОЛА ОБЛЫСТЫҚ БІЛІМ БАСҚАРМАСЫ

Ақкөл аудандық бөлімі, «Минск орта мектебі» ММ

4 сынып оқушысы: Байбек Жанель

Жетекшісі: Каден Коммунизм

ҒЫЛЫМИ ЖҰМЫС

Тақырыбы: «Таза судың адам тіршілігіндегі маңызы ».

Ғылыми жұмыстың бағыты: ғылыми-дүниетанымдық.

Ақкөл - 2017 жыл

Абстракт (аннотация)

Зерттеудің мақсаты: Таза судың тіршіліктегі маңыздылығын ашу, оны зерттеудің әдістері мен тәсілдерін қарастыру,суды қастерлеу арқылы тиімді пайдалану және қорғауға үйрену.

Зерттеудің міндеттері: 1. Таза судың халық үшін маңыздылығын ашу.

2. Тақырыпты жан-жақты талдай отырып суды зерттеу және қорғау маңыздылығын арттыру.

3. Суды зерттеуді шағын моделін құру негізінде әдістер мен тәсілдер арқылы жүзеге асыру.

Зерттеудің ғылыми болжамы:

Егер , таза судың халық өміріндегі маңыздылығы айқындалса, зерттеудің мәні мен мағынасы ашылса, әдістер мен тәсілдер қолданылса, онда таза судың адам тіршілігіндегі маңыздылығы айқындалады, өйткені таза суды зерттеудің шағын моделі құрылады.

Зерттеу жұмысының кезеңдері, зерттеудің реті: бірінші кезең – зерттеу тақырыбына қатысты әдебиеттерге талдау жасау, зертеудің негіздемелік бөлігін құрастыру;

Екінші кезең – мәліметтерді жинақтау және қорытындылау, жүйелеу; суды салыстырмалы зерттеуге бағытталған құрылымдық модель құру; әдіс-тәсілдер арқылы тәжірибе жүргізу, нәтижелерін сараптау;

Зерттеудің жаңалығы және дербестік дәрежесі: аталған тақырып судың халық өміріндегі ерекшеліктері, оны зерттеудің моделін құрастыру, ондағы ерекшеліктердің айқындалуына байланысты – жаңа; осы зерттеу саласында ұқсас тақырыптардың көп болғанымен де, салыстырмалы түрде Минск ауылының ауыз суына талдау жасалуымен, тәжірибенің өтілуімен – дербес болып табылады .

Тәжірибенің әдістемесі: зерттеу тақырыбына жан-жақты талдау жүргізу, талдау, жинақтау, түсіндірмелі-иллюстративтік, әңгімелеу.

Жұмыстың нәтижесі және қорытындысы: нәтижесінде таза судың адам өміріндегі ерекшеліктері, Минск ауылының ауыз суының сапасы анықталады.

Нәтижелерді практикада қолдану салалары: ұсыныс негізінде оқушыларға және ұстаздарға сабақ элементі ретінде қолдануға болады.

Кіріспе

Қазақстан Республикасының Президенті Н.Назарбаевтың Қазақстан халқына 2011жылдың 28 қаңтарында халыққа Жолдауында сапалы таза ауыз судың маңыздылығын ашып көрсете келе, «қазақстандықтарды сапалы ауыз сумен қамтамасыз ету мәселелері – ха­лық­тың денсаулығын жақсартудың аса маңызды міндеті, сондықтан бұл біздің басымдығымыз болады» деп атап көрсеткен. Осыған орай, бүгінгі таңда аталған мәселеге қатысты бірқатар жұмыстар атқарылуымен қатар, осы мәселе төңірегінде зерттеу жүргізу, нақты айтсақ, таза судың адам тіршілігіндегі маңыздылығын анықтау көкейкесті мәселелердің бірі болып отыр.

Қорыта айтсақ, таза ауыз су мәселесі қалыптасқан жағдайда жас бүлдіршіндерге су сияқты асыл қазынамызға құрметпен қарауға, ұқыпты қолдануға, таза суды айыра алуға, тағы осы сияқты тақырыптарды терең зерделеуге мүмкіндік ашатынына байланысты көкейкесті болып отыр. Осы тұрғыда, аталған мәселе көптеген отандық және шет елдік ғалымдардың зерттеу нысаны болғаныменде, оны қарапайым, біз секілді бүлдіршіндердің бұл мәселе төңірегіне назар сала отырып, қарапайым тәжірибе жұмыстарын жүргізуін алға тартып, зерттеу жұмысымыздың тиегі етіп алмақпыз.

Ы.Алтынсарин «Таза бұлақ» әңгімесінде «әй, жолаушы, болсаң, осы бұлақтай бол» деп адамның бар жақсы игі қасиеттерінің болуын таза бұлақпен салыстырады. Осыдан таза, мөлдір судың маңызы адам өмірінде өте жоғары болғанын көреміз.

Судың құрамы мен қасиетін талай жылдар бойы зерттеген жапон ғалымы Масару Эмото «су магнитафон таспасы сияқты, не естісе соны жазып отырады, яғни су естиді, түсінеді және естігенін ұзақ уақыт бойында сақтайды» деген қорытындыға келген.

І. ТАЗА СУДЫ ЗЕРТТЕУДІҢ НЕГІЗДЕРІ.

1.1 Таза суды зерттеудің теориясы .

Таза суға зерттеулер жүргізу – оның сапасын анықтаудың алғышарты болып табылады. Ал алғашқы зерттеу жұмысын жүргізу – оның маңызы, мәні, қасиеті және суға жүргізілген зерттеулерге шолу жасаудан тұрады.

Сусыз тіршілік жоқ, егерде адам бір аптаға жуық су ішпесе, адам өмір сүруін тоқтатады. Адам күн сайын шамамен 3 литрдей суды ішеді.Су адам бойында қан айналымды жақсартып, тұрақтылықты қамтамасыз етеді, әрі өмірге қажетті заттарды жинақтайды.Егерде сен гүлге апталап су құймайтын болсаң, гүл солып өліп қалады, егерде күн сайын бақылап су құятын болсаң, гүл құлпырып өседі.Солай сияқты адам да су ішкен сайын өсіп жетіледі, дамып тіршілік етеді. Жер бетінің тек 1/3-ін құрлық, ал 2/3-ін су алып жатыр. Мұхиттар мен теңіздерді, өзен-көлдерді былай қойғанда, жер астында да, топырақта да су бар

Қорыта айтсақ, таза судың адам тіршілігінде алатын маңызы зор. Судың маңыздылығы адамның өзінің организмінен бастау алып, тірі жаратылыстың баршасын қамтиды. Сол себепті оны әрі қарай зерттеп талдау қажеттілігі туады.

Ал зерттеуіміздің келесі кезеңі таза судың халық өміріндегі маңыздылығын ашу болып табылады. Себебі қай адамзат тарихының кезеңі болмасын адамдар судың маңызын жете түсініп оған қатысты тыйым сөздер мен мақал-мәтелдер айтылған .

Осыған дәлел ретінде, суға құрметпен қарап, суды ластамауды тыйым сөздермен ұрпаққа жеткізе білгендігін келтіруге болады. Соларға тоқтала кетейік: «ағын суға кір жума», « суға түкірме» , «суды бекер ағызба», «су ішкен құдығыңа…