Суда еритін заттар туралы сабақ жоспары 2 сынып

Сабақтың тақырыбы: Су – еріткіш. Суда еритін және ерімейтін заттар.

Судың маңызы. Табиғат. Суқоймалар. (ӨҚН)

Сабақтың мақсаты:

Оқушыларда судың еріткіш екенінің маңызы, суда еритін де,ерімейтін де заттар туралы түсінік ұғым қалыптастыру,тәжірибе жасауға баулып үйрету;

Суды таза ұстауға,ысырап қылмауға тәрбиелеу.

судың табиғаттағы және адам өміріндегі маңызы туралы түсінік беру.

Жергілікті жердің су айдындарымен таныстырып,олардың сол аймаққа пайдасын ұғындыру

Судың барлық ерекшеліктерін сипаттау:түсін,мөлдірлігін,иісін, тазалығын, жергілікті жерге тигізетін пайдасын(ауыз суға ,мәдени өсімдіктерді суаруға,ішуге жарай ма,жарамайтын болса,неліктен екенін анықтау)

Қазіргі таңда адамзат ауасын жұтып,суын ішіп отырған табиғат- ананы қорғап,аялауға үйрету.

Сабақтың әдіс-тәсілдері: Ақпараттық технология, топтық жұмыс.

Сабақтың құрал-жабдықтары: Интерактивті тақта,суреттер, тапсырмалар, сызба

Сабақтың барысы. І.Ұйымдастыру кезеңі. Психологиялық дайындық

ТАМАША! ЖАҚСЫ! ОРТАША!

ІІ.Үй тапсырмасын тексеру

Судың қасиеттерін және жай күйі туралы білімдерін жинақтау,қорытындылау.

-Судың қандай қасиеттерін білеміз?Оны дәлелдеңдер.

Сұйық Иісі жоқ жұғады

Су еріткіш СУДЫҢ ҚАСИЕТІ

Түссіз Пішіні болмайды мөлдір

-Судың қандай үш жағдайы болады?

Ол бір жағдайдан екінші жағдайға қалай көшеді?

СУДЫҢ ЖАЙ КҮЙІ:

Сұйық БУ Қатты(мұз)

ІІІ.ЖАҢА САБАҚ Су – еріткіш. Суда еритін және ерімейтін заттар. Судың

маңызы. Табиғат. Суқоймалар. (ӨҚН)

Нақыл сөздер:

Сулы жер -нулы жер

Су -тіршіліктің ғана емес,тазалықтың,пәктіктің белгісі.

Су- энергияның қайнар көзі,келешектің отыны.

«Бір жұтым су бөліспеген адам Алла тағаланың алдында күнәһар»

Адам өміріне не қажет? Өткен тақырыптан еске түсіру.

ТАМАҚ СУ АУА

АДАМ ӨМІРІНЕ НЕ ҚАЖЕТ?

ЖАРЫҚ ЖЫЛУ

Бүгінгі сабақта біз топпен жұмыс істеп тәжірибе жасаймыз.

1 тапсырма

топқа тапсырма : 2-і топқа тапсырма :

Суға қантты салып Суға тұз салып

қорытынды шығарыңыз қорытынды шығарыңыз

2 тапсырма

Суға ас содасын салып қорытынды шығарыңыз

3 тапсырма

Суға шай салып қорытынды жасаңыз Суға кофе салып қорытынды жасаңыз

Оқушылар қорытындыларын дәптерге жазады:

Суға салған нәрселер не істеді?

Судың түсі өзгерді ме?

Дәмі өзгерді ме?

Қорытынды:Су еріткіш.

4 тапсырма

Сазды суға салу Құмды суға салу

Нәтижесін дәптерге жазу:Су лайланды.Ыдыстың қабырғасынан екінші жағындағы нәрсені көре алмаймыз,себебі саз,құм суға араласқанымен суда еріген жоқ.Суда ауа еріп оған араласады.

Мұғаліммен бірге тәжірибе жасау:

Таза суды шыны бетіне тамызып,астына май шаммен қыздырамыз.Су буға айналып,ұшып кетеді,ал шыны бетінде ақшыл дақ қалады.Бұл не?

Қорытынды:Таза мөлдір судың өзінде еріген заттар бар.Әсіресе ,еріген заттар ащы суларда көп болады.

Қорытынды шығару:

Ерімейтін заттар СУ Еритін заттар

(саз,құм) су буланады (қант,тұз,сода,шай,кофе)

Балаларға сұрақ: бидай дәні топырақта өніп,өсу үшін оған қандай жағдай жасауымыз керек? (оқушылар жауабы).Тіршілік судан басталады.

IY.Деректер мен дәйектер:

Су бар жерде тіршілік бар,өмір бар,жайқалып өскен бау бақша,сынсыған орман,тоғай,бітік шыққан егін,мыңғыраған мал,алып су электр станциясыбар,сондықтан қазақ «Сулы жер нулы жер»дейді.Ну дегеніміз қалын орман.