Судың қасиеттері туралы сабақ жоспары балабақшаға

Сабақ тақырыбы: Судың қасиеті. Су – еріткіш.

Мақсаты: 1. Балаларды судың қасиеттерімен таныстыру. Тәжірибелер арқылы суда еритін және ерімейтін заттар туралы мәлімет беру.

Байқағыштығын, есте сақтау қабілеттерін дамыту.

Суды таза ұстауға, ұқыптылыққа тәрбиелеу.

Түрі: дәстүрден тыс тәжірибелі сабақ

Әдісі: сұрақ-жауап, әңгімелеу, тәжірибе жасау

Көрнекілігі: карта, тәжірибеге керек заттар, нақыл сөздер

Ұйымдастыру- оятушылық

Сылдырлайды мөлдір су

Мөлдір суға қолыңды жу

Жуынсаң сен әрдайым,

Таза бетің,маңдайың.

І Ұйымдастыру- ізденушілік

Жұмбақ:

Жылт-жылт еткен,

Жылғадан өткен- ол не балалар?

-Су

Олай болса, бүгінгі оқу қызметінде судың қасиеттерімен танысамыз.

-Су өмір бойы айналымда болады. Ол жаңбырмен жерге түседі, арық болып ағып, өзенді құрайды, ал содан кейін қайтадан күн шуағымен бу болып аспанға көтеріліп, жер бетіне жаңбыр болып, қайта оралады. Жаңбырдан аққан кішкентай сулар бірігіп, жылғалар болып, үлкен теңіз құрайды.

Су туралы мақал-мәтелдер

1.Суды улама, суға түкірме.

2.Су анасы – бұлақ.

3.Су жүрген жер береке.

Су туралы өз білгендеріңізді айтып жатырсыздар. Ал, енді мына картаға қарасаңдар, біздің планетамыздың көп жерін су алып жатыр. Су картада көк түспен белгіленген. Су жердің төрттен үш бөлігін алады екен. Сусыз өмір жоқ. Адам өміріне ең қажет – жарық, ауа, су, жылу, тамақ.

Су қандай зат ?

Судың түсі қандай ?

Судың пішіні бар ма ?

Суды қандай жерлерде кездестірдің ?

Бұл сұрақтарға жауап беру үшін қазір тәжірибелер жасап көреміз.

1-тәжірибе.

Екі шыны ыдысқа біреуіне сүт, біреуіне су құй. Екеуін салыстыр. Сүт – ақ, су – түссіз. Олардың ішіне қасық сал. Қайсысындағы қасық анық көрінеді. Неге ? Бұл тәжірибеден судың қандай қасиетін байқадың ? Су – мөлдір. Суды иіскеп көр. Иісі жоқ. Олай болса, су – түссіз, мөлдір, иіссіз.

2-тәжірибе.

Бірнеше ыдысқа кесеге, стаканға су құй. Осы ыдыстардағы судың пішініне қара. Су қандай пішінге ие болды ? Әрбір құйылған ыдыстың дәл өзіндей емес пе ?

Олай болса, суда тұрақты пішін болмайды. Ол құйылған ыдыстың пішінін алады екен.

3-тәжірибе.