Сүйемін туған тілімді тәрбие сағаты, 1 сынып

№ 72 жалпы білім беретін мектеп

Сынып сағаты

Тақырыбы:

«Сүйемін, туған тілімді»

1 «А» сынып жетекшісі: Шынгысова А.К.

Тақырыбы: «Сүйемін, туған тілімді»

Мақсаты: Балаларға ана тілін білудің маңызын түсіндіру, ана тілі туралы жазылған ақындардың өлеңдерін мәнерлеп оқи білуге дағдыландыру, туған ана тілін сүйіп, оны құрметтеуге тәрбиелеу.

Әдіс-тәсілдері: Әдеби монтаж, жұмбақ ойыны, мақал-мәтелдер, полиглот, жатқа оқу т. б. Көрнекілігі: қанатты сөздер, буклеттер

Мұғалім:

Танытқан қазағымның қазақтығын,

Танытқан қазағымның азаттығын,

Танытқан қазағымның ғажаптығын,

Айналдым құдіретіңнен, Қазақ тілім.

2 -тәрбиеші Жанат . М. Мақатаев

Ең бірінші бақытым-тілім менің

Тас жүректі тіліммен тілімдедім

Кей — кезде өмірдін түңілсем де

Қасиетті тілімнен түңілмедім

22 -қыркүйек күні Қазақстан халқы болып «Қазақстан халқының тілдері күні» мерекесін тойлаймыз.

Біздің ата мекеніміз – Қазақстан Республикасы.

Қазақстан – достықтың киелі мекені.

Республикамызда 130- дан астам ұлт өкілдері мекендейді

Бүгінгі мереке Қазақстанда тұратын барша халық тілдерінің мерекесі.

Ендеше, ортақ мереке құтты болсын, ағайын.

Несіне мен қазақпын, өз тілімді білмесем.

Өз елімде жарқылдап, еркін сөйлеп жүрмесем.

Құт мекенім қасиетті ата-бабам жерінде,

Нағыз қорлық-деп білемін, басқа тілде тілдессем.

Тәуелсіздігіміздің ең басты белгісі – оның ана тілі. Өзінің ана тілі жоқ ел –мемлекет болып өмір сүре алмайды

Дүниедегі барлық халық, ана тілін сақтап қалуға ұмтылады. Кез — келген мемлекет өзінің, ана тілін айрықша қорғайды.

Қазақстан тәуелсіз ел болып қалсын десек, онда ең алдымен ана тілін дамытуға күш салғанымыз жөн.

Ана тілін дамыту, қорғау дегеніміз – біз өз ана тілімізде таза сөйлеуіміз және оны жақсы біліп, туған анамыздай сүюіміз керек деген сөз.4-ата-ана

Халықтың тарихта қалуы тіліне байланысты. Тіл халықтың жаны, сәні. Адамды мұратқа жеткізетін ана тілі

ХОР: «АНАНЫҢ ТІЛІ»

Мұғалім сөзі:

Міне, осының бәрін ескере отырып, 1997 жылы шілденің 11- күні жаңа «Қазақстан Республикасындағы тілдер туралы» Заңы қабылданды. Бұл Заң бойынша қазақ тілі Қазақстан Республикасының мемлекеттік тілі, қазақ халқының ұлттық тілі болып есептеледі.

Бүгінгі күні қазақ тілі қауіпті жағдайда тұр. Ана тілдің қаймағын бұзбай ұстап тұрған ауылдағы ағайындар десек артық болмайды.

Әр баланың анасы

Туған тілге жауапты

Ана қалай сөйлесе

Бала солай сөйлейді

Бар мықтысын қазақтың

Ана тілі танытқан

Мен намысты қазақпын

Туған мықты халықтан.

Міне, осылай ақындардың өлеңдерін мәнерлеп оқи білуге дағдыландыра отырып, балалардың ана тіліне деген көзқарасын қалыптастырамыз.

Олай болса әдеби-монтажға кезек берейік.

1.Ана тілім – асылым да, ардағым

Өркендей бер, ұмытылып қалмағын

Қуанар ем, шаттанар ем сен үшін

Ана тілде сайрап тұрса әр қазағым

2.Ана тілім, дана тілім, бақ тілім

Сенсіз бақыт дүниеден тапты кім?

Сенсің менің қуанышым, шаттығым.

3. Қадіріңді ұғынса екен ұрпағың

Өзіңменен бірге атады әр таңым

Биіктесе өсіп сенің мәртебең

Сол ғой менің өмірдегі арманым.

4. Тілім менің тірегім,

Қорғап оны жүремін

Тілім барда күлемін,

Сол үшін өмір сүремін.

5.Өз тілімді сүйемін,

Өзге тілді білемін

Тілім жоғалса өмірден

Не боларын білемін

Ана тілім – тірегім

Сен деп соғар жүрегім

Ана тілді өтейікші қастерлеп

Осы менің тілегім.

Ойымды ана тілмен оюлаймын

Жүректе, ана тілсіз қоюлар мұң

Құдіретті тілімнің арқасында

Ешқашан жер бетінен жойылмаймын

Ана тілді бойыма

Ана сүті дарытқан

Ана тілін сақтаған

Айналайын халқымнан

Сүйсен өз тіліңді

Боласың білімді

Өз тілің үйретер

Өнерді ғылымды

Ардақта тіліңді

Бала бақша ойнатты

Ойнатты да ойлатты

Ана тілі сырына

Тереңірек бойлатты

Ана тіл-біздің туған анамыз

Анамыздай сылап, бағып қағамыз

Ана тілін кім аялай білмесе

«Анасынан безен ұл» деп санаңыз