Сүйікті ойыншықтар ашық сабағы мектепке дейінгі балаларға

«Жүрімбек Сыдықов атындағы орта мектебі, мектепке дейінгі шағын орталығымен» КММ « Айгөлек » шағын орталықтың аға тәрбиешісі Ибраимова Гульмира Ерикбайқызы . Жансүгіров ауылы , Ақсу ауданы .

Білім беру саласы: «Коммуникация»

Ұйымдастырылған оқу қызметі: Сөйлеуді дамыту

Тақырыбы: Сүйікті ойыншықтар (ойыншықтар туралы әңгіме құрастыру)

Мақсаты: Алдын ала дайындықпен ойыншық туралы сипаттама әңгіме құрастыруға үйретуді жалғастыру. Жануарлар төлдерінің аттарының «-шақ», «-қан» жұрнақтары арқылы жасалуы туралы түсінік беру.

Көрнекіліктер: ойыншықтар- қуыршақ, құлыншақ, қошақан, ботақан.

Әдіс-тәсілдер: әңгімелеу, сұрақ-жауап, өлең жаттату.

Сөздік жұмыс: сүйікті ойыншықтар, ұрыншақ, момақан, тұлпар, ойнақтаймын баладай.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық- қозғаушылық

Шаттық шеңбері:

Дос болып жүрейік,Ойнайық та күлейік.Достық деген тамашаМіне тұрмыз жараса.

Шаттық шеңберін құрады. Қимыл қозғалыспен көрсетеді.

Ұйымдастыру-іздестіру

Балаларға топқа ойыншықтардың қонаққа келгендіктері туралы айту.

− Балалар, бізге қандай ойыншықтар қонаққа келді?

− Бұл ойыншықтар – қуыршақ Әйгерімнің сүйікті ойыншықтары. Әйгерім:

− Мен ойыншықтарымды өте қатты жақсы көргендіктен құлынды- құлыншақ, ботаны - ботақан және қозыны - қошақан деп еркелетіп атаймын. Сендердің де сүйікті ойыншықтарың бар шығар?

− Балалар, қазір біз Әйгерімнің сүйікті ойыншықтарын тыңдап көрейік. Олар не айтады екен.

Құлыншақ:

Мен - Құлыншақ, Құлыншақ,Әрбір жерге ұрыншақ.Желбіретіп тұлымшақ, Шапқылаймын күнұзақ.Өсіп, тұлпар боламын,Бас бәйгені аламын!

Қошақан:

Мен – Қошақан, Қошақан,Момақанның өзімін.Қойдан бөлек лақпаймын,Секірмеймін лақтайын – Жетеді оған төзімім!

Ботақан:

Мен – Ботақан, Ботамын,Ойсыл қара –АтамныңҰрпағына жатамын. Ойнақтаймын баладай, Жалғыз қалсам далада-ай,Боздап дауыс қатамын.

− Балалар, Әйгерімнің ойыншықтары – қошақан, ботақан, құлыншақ сендерге ұнады ма? Әйгерімнің ойыншықтары қандай екен? Балалар ойыншықтарды сипаттау әңгімесін тәрбиешінің көмегімен құрастыру.

Әйгерім:

− Балалар, менің сүйікті ойыншықтарым туралы әңгімелеріңе рахмет. Сергіту жаттығуынан кейін ойыншықтарыммен ойнауға шақырамын.

Сергіту жаттығуы.

− Балалар, енді Әйгерімнің ойыншықтарымен«Не жоқ?» ойынын ойнайық. Ойын ұйымдастыру, балалардың есте сақтау қабілеттерін дамыту.

− Құлыншақ, қошақан, ботақан.

- Балалар өз ойыншықтары туралы айтады.

Балалар мұқият тыңдайды.